Kuri iki Cyumweru tariki ya 03 Gicurasi 2020, Minisiteri y’Ubuzima yatangaje ko abandi bantu bane (4) bashya basanganywe Coronavirus mu bipimo 1,047 byafashwe mu gihe abandi bane na bo basezerewe mu bitaro nyuma yo gusangwa nta bwandu bagifite.

Imibare irerekana ko abamaze gukira Coronavirus mu Rwanda kuva umurwayi wa mbere abonetse mu Rwanda ku wa 14 Werurwe 2020, ari 124 barimo bane basezerewe uyu munsi mu gihe abakirwaye ari 135.

MINISANTE ivuga ko ibi bigaragaza ubwiyongere bw’imibare y’abanduye mu batwara amakamyo yambukiranya imipaka n’abo bakorana. Abarwayi bose bavurirwa ahantu habugenewe kandi boroherwa.

Icyo kwishimira kugeza ubu ariko hakomeza gukurikizwa ingamba zo kwirinda iki cyorezo, ni uko mu Rwanda nta murwayi n’umwe uricwa na COVID-19.

---

---