COVID-19: Trump yavuguruje umukuru w’ikigo cyo kurwanya indwara

Kubona urukingo rukora neza rwa Coronavirus ni ikintu cyihutirwa cyane ku isi, ariko muri Leta Zunze Ubumwe z’Amerika aho amatora ya Perezida asigaje ibyumweru gusa ngo abe, iby’urukingo byahindutse ingingo ishyushye.

Ejo ku wa Gatatu, Perezida Donald Trump yavuze ko mu kwezi gutaha Abanyamerika bazashobora kubona urukingo rwa Covid-19, avuguruza ibyatangajwe n’umukuru w’ikigo cy’Amerika cyo kurwanya no kwirinda indwara (CDC).

Perezida Trump yagize ati "Dutekereza ko dushobora gutangira [kurutanga] mu gihe runaka cyo mu kwezi kwa cumi".

Amatora ya Perezida muri Amerika azaba ku wa Kabiri, ku itariki ya 3 y’ukwezi kwa cumi na kumwe.

Bwana Trump yanavuze ko Dr Robert Redfield ukuriye ikigo CDC "yataye umutwe" kubera ko yavuze ko kubona urukingo bizafata igihe kirekire kurushaho.

Dr Redfield yabwiye Inteko Ishinga Amategeko y’Amerika ko abaganga n’abandi bafite ibyago byinshi byo kwandura Covid-19 bazaba aba mbere mu guhabwa urukingo, wenda nko mu kwezi kwa mbere umwaka utaha cyangwa se mu mpera y’uyu.

Ariko Dr Redfield yavuze ko bisa nk’ibidashoboka ko urwo rukingo rwatangira guhabwa abantu bose muri rusange mbere y’ukwezi kwa Gatandatu k’umwaka wa 2021.

Kugeza ubu Amerika ni cyo gihugu cya Mbere ku isi cyashegeshwe bikomeye na Coronavirus, abarenga 6,600,000 bamaze kuyandura, muri bo abarenga 195,000 yarabishe, nkuko imibare ya Kaminuza ya Johns Hopkins ibigaragaza.

Hakorwe iki ngo tugere ku mibereho myiza y’Abanyarwanda, iyumvire ikiganiro kirambuye UMUBAVU TV ONLINE wagiranye na Madamu Victoire Ingabire Umuhoza, umuyobozi w’ishyaka ritavuga rumwe n’ubutegetsi rya DALFA Umurinzi ariko ritaremerwa n’amategeko mu Rwanda:





Tanga igitekerezo kuri iyi nkuru



Igitekerezo