RDC: Abanduye COVID-19 bageze kuri 45, 2 bamaze gupfa

Mu baturanyi muri Repubulika Iharanira Demokarasi ya Congo imibare y’abamaze kwandura Coronavirus/COVID-19 yageze kuri 45, ni mu gihe abantu babiri bo bamaze kwicwa n’iki cyorezo gihangayikishije Isi.

Kuri uyu wa Mbere tariki ya 23 Werurwe 2020, Umuhuzabikorwa wa Komisiyo y’Itumanaho muri Minisiteri y’Ubuzima ya RDC, Raoul Kamanda, yatangaje ko mu Mujyi wa Kinshasa habonetse abarwayi bashya batandatu bituma abanduye icyorezo cya COVID-19 bagera kuri 36.

Nyuma y’iyi mibare, ubu amakuru mashya yo kuri uyu wa Kabiri tariki ya 24 Werurwe 2020 y’Ikigo cy’Igihugu gishinzwe ubushakashatsi mu by’ubuzima muri Repubulika ya Demokarasi ya Congo, avuga ko habonetse abandi barwayi icyenda bashya banduye Coronavirus, ku buryo umubare w’abanduye bose wageze kuri 45.

Muri iyo mibare y’abanduye harimo batanu baturutse mu mahanga bafite iyi ndwara n’abantu bane bayitahuweho nyuma yo gukurikirana abantu bose bahuye n’abanduye.

Uretse aba bantu bashya bagaragaye, hari hanaketswe Coronavirus ku bantu babiri mu mujyi wa Lumbumbashi, ariko isuzuma ry’abaganga ryerekanye ko ntayo banduye, nk’uko ikinyamakuru Actualité cyabyanditse.

Kugeza ubu hakomeje gusabwa ko ingendo hagati muri RDC zahagarikwa, cyane cyane hagaherwa ku ngendo zihuza umujyi wa Kinshasa na Goma, hagamijwe gukumira ikwirakwira rya Coronavirus muri icyo gihugu.

Ku wa 10 Werurwe 2020 nibwo umuntu wa mbere muri RDC yatahuweho Coronavirus, Umubiligi wari umaze iminsi mu gihugu akurikiranwa n’ubuyobozi bw’inzego z’ubuzima, ashyirwa no mu kato.

Iyi ndwara yakomeje kwiyongera, ku buryo ku wa 19 Werurwe 2020 byemejwe ko Minisitiri w’Ubukungu, Acacia Bandubola Mbong; Umuyobozi Mukuru wungirije muri iyo Minisiteri n’umugore we bapimwe basanga barwaye Coronavirus, bahita bashyirwa mu kato hamwe n’umugabo wa Minisitiri.

Hirya no hino ku Isi abamaze kwandura Coronavirus bagera ku bihumbi 383, mu gihe abo imaze guhitana basaga 16,500.


Abanduye Coronavirus muri RDC ikomeje kwiyongera, ubu bageze kuri 45

Abari gusenyerwa mu Kagari ka Nyarutarama bati "Bazane imbunda baturase, ngo ntibakitaye kuri Coronavirus yugarije u Rwanda ndetse n’Isi, ngo COVID-19 ni ibyo bari gukorerwa, indwara twayihinduye ibingibi, ntabwo indwara tukiyitayeho:





Tanga igitekerezo kuri iyi nkuru



Igitekerezo