Burundi: Uyu munsi hitezwe ibyavuye mu matora, ngo nta gishya gitegerejwe

Kuri uyu wa mbere tariki ya 25 Gicurasi 2020, akanama gashinzwe amatora mu Burundi karatangaza ibyavuye mu matora, gusa ibyatangajwe byavuye ku rwego rw’amakomine n’intara byerekana ko bishoboka ko nta gutungurana kuza kubaho kuko uri imbere azwi.

Mu ijoro ryo ku wa Gatatu ku munsi w’amatora, hahise hatangira gutangazwa ibyavuye muri aya matora atatu yakozwe ku rwego rw’amakomine.

Byageze ku wa Gatanu ihuriro ry’ibinyamakuru mu gutangaza amatora rivuga ko umukandida w’ishyaka riri ku butegetsi CNDD-FDD amaze gutinda ku kigero kiri hejuru ya 80% mu makomine 60%.

Hagendewe kandi ku mibare y’ibyavuye mu matora ku rwego rw’intara byatangajwe muri Weekend, umukandida wa CNDD-FDD ni we wagize amajwi menshi.

Uhereye ku bimaze gutangazwa bisa n’aho uwatsinze ku mwanya w’umukuru w’igihugu biboneka ko azwi.

Agathon Rwasa, umukandida w’ishyaka ritavuga rumwe n’ubutetsi CNL, mu cyumweru gishize yatangaje ko aya matora ari ’ikintu giteye isoni’ cyabayeho.


Agathon Rwasa, umukandida w’ishyaka ritavuga rumwe n’ubutetsi CNL ntiyumva neza abavuga ko CNDD-FDD iri imbere mu majwi yabaruwe

Bwana Rwasa yabwiye ibinyamakuru mu Burundi ko "ibyayavuyemo ari ibihimbano kandi bitizewe".

Ishyaka CNL mu cyumweru gishize ryatangaje ko rifite ibimenyetso ko habayeho kwibira amajwi umukandida w’ishyaka riri ku butegetsi.

Ejo ku cyumweru ishyaka CNL ryongeye gusohora itangazo ryamagana ibikorwa byo kutihanganirana n’urugomo byaranze aya matora kuva mu kwiyamamaza kugeza ku matora.

Rivuga ko kuva icyo gihe hari abantu baryo "batatu bishwe, 10 banyurujwe baburirwa irengero, abarenga 50 bakomeretse n’abarenga 300 bafunzwe".

Ibikorwa iri shyaka rivuga ko byakozwe na bamwe mu bategetsi b’inzego zo hasi n’urubyiruko rw’ishyaka riri ku butegetsi.

Minisiteri ishinzwe umutekano yashinje abanywanyi b’iri shyaka CNL ko aribo bakoze ibikorwa by’urugomo n’ubwicanyi ku ba CNDD-FDD.

Ishyaka CNL risaba Abarundi gukomeza umutuzo mu gihe bategereje ko hatangazwa ibyavuye mu matora.

Rivuga ko urugamba rwaryo rwa politiki "rukorwa kandi ruzakomeza gukorwa mu nzira z’amategeko" ngo hubahirizwe guhitamo kw’abaturage.

Ishyaka Uprona, mu mpera z’iki cyumweru ryatangaje ko "uruhande rwaryo ku matora atatu yabaye ruzamenyekana nyuma yo gutangazwa kw’ibyavuye mu matora, ibindi ari ibihuha".


Agathon Rwasa, umukandida w’ishyaka ritavuga rumwe n’ubutetsi CNL


Jenerali Majoro Evariste Ndayishimiye wa CNDD-FDD ari kunugwanugwa ko ari we ugiye gusimbura Nkrunziza ku butegetsi


Nkurunziza ategereje uwegukana intsinzi akamusimbura ku butegetsi amazeho imyaka 15, aha yari agiye gutora nk’abandi


Nyuma yo gutora Nkurunziza yashimye aya matora

Umunyamakuru akaba n’umuyobozi w’ikinyamakuru UMUBAVU.COM N’UMUBAVU TV ONLINE, Nsengimana Theoneste arishinganisha nyuma yuko ubwo yari afunze abwiwe n’umuntu ko ngo niyongera kwandika (inkuru) azareba, aravuga ko uyu wamubwiye ibi ashobora no kubishyira mu bikorwa ariyo mpamvu yishinganisha:





Tanga igitekerezo kuri iyi nkuru



Igitekerezo