Burundi: Buyoya yahamijwe kwica Perezida Ndadaye ’akatirwa burundu’

Kuri uyu wa Kabiri tariki ya 20 Ukwakira 2020, Maj. Pierre BUYOYA wabaye Perezida w’u Burundi mu bihe bitandukanye, Urukiko rwo mu gihugu cye rwamukatiye igihano cya burundu nyuma yo kumuhamya ibyaha birimo kwica Perezida Melchior Ndadaye.

Urukiko rwo mu Burundi rwahamije Pierre Buyoya ibyaha bine (4) bishingiye ku iyicwa rya Perezida Melchior Ndadaye wari waratowe n’abaturage.

Pierre Buyoya w’imyaka 70, uhagarariye Umuryango wa Afrika Yunze Ubumwe mu karere ka Sahel, ntabwo yigeze aburana muri urwo rubanza.

Inyandiko y’Urukiko BBC yaboneye kopi, ivuga ko Pierre Buyoya n’abandi bantu 15 benshi bahoze ari aba-Ofisiye bakuru mu ngabo z’u Burundi bakatiwe igihano cya burundu.

Abandi bantu batatu, barimo Bernard Busokoza wigeze kuba Visi-Perezida w’u Burundi, bakatiwe imyaka 20, undi umwe agirwa umwere.

Mu 2018, Leta y’u Burundi yashizeho impapuro mpuzamahanga zo guta muri yombi Pierre Buyoya. Uyu yayoboye u Burundi inshuro ebyiri (1987 – 1993), (1996 – 2003) ashinjwa uruhare mu iyicwa rya Melchior Ndadaye wari watowe n’abaturage mu 1993.


Pierre Buyoya wayoboye u Burundi Urukiko rwamuhamije kwica Ndadaye rumukatira BURUNDU





Tanga igitekerezo kuri iyi nkuru



Igitekerezo