Burundi: 7 mu bagize Guverinoma ya Nkurunziza basanzwemo COVID-19

Abaminisitiri 7 mu bagize Guverinoma y’u Burundi iyobowe na Perezida, Pierre Nkurunziza witegura gutanga ubutegetsi n’umujyanama we basanzwemo Coronavirus. Biravugwa ko aba banyapolitike na bo bashobora kuzajya kwivuriza iki cyorezo muri Kenya nkuko amakuru abivuga.

Ibi bije nyuma y’uko umugore wa Perezida w’u Burundi, Denise Bucumi Nkurunziza ajyanywe mu ndege i Nairobi ku wa Kane kugira ngo avurwe Covid-19 na we yasanzwemo.

Ku wa Kane w’icyumweru gishize mu masaha ya saa yine za mu gitondo, nibwo Madamu Nkurunziza yajyanywe mu ndege ya Amref 5Y-FDP nkuko byavuze mu bitangazamakuru bitandukanye.

Gusa kuva i Bujumbura kwe byakozwe rwihishwa ndetse benshi mu bakozi b’ikibuga cy’indege babuzwa kugera ku nyandiko ze z’ingendo.

Nk’uko amakuru abitangaza, ngo uyu mudamu wa Nkurunziza yageze ku kibuga cy’indege muri Convoy iherekejwe n’imodoka 7 zo mu rwego rwo hejuru zirimo abarinzi 2 b’abasiriokare.

Icyo gihe kandi yari aherekejwe n’abanyamabanga batatu ba Leta y’u Burundi n’umuyobozi wa Protocole ya Leta, Albert Nasasagare.

Kugeza ubu mu Burundi hamaze kwemezwa abantu 63 banduye COVID-19, 33 barayikize mu gihe yahitanye umwe. abakirwaye ni 29.

Ni mu gihe ku isi abanduye iki cyorezo bamaze kurenga Miliyoni 6, naho abagikize barenga Miliyoni 2 n’abo cyishe bamaze kurenga ibihumbi 370.

Ingabire Victoire ahishuye byinshi kuri Se na Nyina bashinjwa uruhare muri Jenoside, yakomoje no ku ruphu rwa Théoneste Bapfakurera wishwe yibeshyweho mu mwanya wa Théophile Ntirutwa wari ugambiriwe:





Tanga igitekerezo kuri iyi nkuru



Igitekerezo