Burkina Faso: Umusirikari yaguye mu mirwano y’abashakaga kwijira muri Perezidansi ku ngufu

Agatsiko k’abantu batatu kashatse kwinjira ku ngufu mu nyubako ya Perezidansi y’igihugu cya Burkina Faso, gakumirwa n’ingabo umwe muri zo ahasiga ubuzima.

Ahagana saa munani z’joro ryo kuri uyu wa Gatandatu rishyira ku Cyumweru mu murwa Mukuru Ouagadougou, nibwo ako gatsiko kari kagizwe n’abantu batatu kashatse kwinjira ku ngufu kuri bariyeri yari irinzwe n’ingabo za Leta hafi y’ahakorera Perezida

Izo ngabo zabakumiriye, babiri barahunga umwe arafatwa aza kwicwa arashwe nyuma ubwo yageragezaga gutoroka.

Ibi bije nyuma y’amasaha 48 hagabwe igitero kuri Minisiteri y’ingabo ndetse na Ambasade y’u Bufaransa muri icyo gihugu, kigahitana abagera kuri 13.

Aka gatsiko ubwo kari kamaze guhagarikwa n’abasirikare barinda umukuru w’igihugu, babiri bahise bahunga, umwe arafatwa ajyanwa ahantu he mu gihe bari agitegereje inzego z’ubutabera nkuko RFI yabitangaje.

Ahagana saa kumi z’ijoro, uwo wari wafashwe ngo yashatse gutoroka ndetse anagerageza kwaka imbunda umwe mu bari bamurinze, ahita araswa arapfa.
Ntabwo biramenyekana niba ako gatsiko gafitanye isano n’ibitero byagabwe kuwa Gatanu.

Nyuma y’igitero cyo ku wa Gatanu, umutekano wakajijwe muri Burkina Faso dore ko bikekwa ko abakigabye ari abenegihugu.

PNG - 865.6 kb
Agatsiko k’abantu kashatse kwinjira ku ngufu aho Perezidansi ya Burkina Faso ikorera umusirikari umwe ahasiga ubuzima

@Umubavu.com





Tanga igitekerezo kuri iyi nkuru



Igitekerezo