Bobi Wine yasubukuye kwiyamamaza yambaye ibitamenwa n’amasasu-Amafoto

Depite Robert Kyagulanyi uzwi nka Bobi Wine yasubukuye ibikorwa bye byo kwiyamamariza umwanya w’Umukuru w’Igihugu cya Uganda nyuma y’umunsi umwe abisubitse, kuri uyu wa Kane tariki ya 3 Ukuboza 2020 akaba yabisubukuye noneho yambaye ibikoresho bimurinda amasasu (anti-balle na casque).

Ni mu rwego rwo gukaza umutekano we bitewe n’uburyo akomeje gukumirwa n’abashinzwe umutekano bagera ubwo barasa ibyuka biryana mu maso mu bayoboke be rimwe na rimwe n’amasasu.

Nk’uko Bobi Wine yabitangarije ku rubuga rwa Twitter, ibikorwa cyo kwiyamamaza yabikomereje mu gace ka Kubuku, Budaka na Manafwa, at “Ubwacu ni ubutumwa bugana ku kwibohora.”

Ku bijyanye n’ibi bikoresho bimurinda amasasu, Bobi Wine yagize ati “N’ubwo nanyura mu kibaya cy’igicucu cy’urupfu, ntabwo nzatinya ikibi, kuko Umwami ari kumwe nanjye.”

Ku wa Kabiri tariki ya 1 Ukuboza 2020 ni bwo Bobi Wine yatangaje ko abaye asubitse ibikorwa byo kwiyamamaza, hari nyuma yuko inzego z’umutekano zari zimaze gukomeretsa umupolisi umurinda, ASP Kato na Dan Magic umutunganyiriza umuziki, bagatobora amapine y’imodoka ye ndetse bakayimena n’ikirahuri cy’imbere.

Kuri uyu wa 2 Ukuboza 2020, uyu mukandida yavuze ko yagiye ku biro bya Komisiyo y’Igihugu y’Amatora, kubaza niba ari yo iri kugenzura ibikorwa byo kwiyamamaza cyangwa se niba ari abashinzwe umutekano bakomeje kumuzitira.

Robert Kyagulanyi (Bobi Wine), ni umuhanzi wo mu njyana ya ’afrobeat’ ubu akaba ari umudepite mu nteko ya Uganda. Ahagarariye akarere ka Kyadondo kari rwagati muri Uganda.

Ni we ubonwa nk’ufite amahirwe menshi yo guhigika Museveni mu matora ateganyijwe kuba ku itariki ya 14 y’ukwezi kwa mbere mu 2021.


Bobi Wine yahisemo kwiyamamaza yambaye ubwirinzi


Robert Kyagulanyi uzwi nka Bobi Wine ni we uhabwa amahirwwe yo kuba yahigika Museveni umaze ku butegetsi imyaka irenga 30

U RWANDA RUHAKANA KO ABARIMO PEREZIDA KAGAME BAKOZE IBYAHA BY’INTAMBARA, RUJIGIRO NTAKOZWA IBYO KWISHYURWA N’U RWANDA AMAFARANGA RWATEGETSWE N’URUKIKO RWA EAC KUMWISHYURA, AYA MAKURU N’ANDI URAYIYUMVIRA BIRAMBUYE MURI IYI VIDEO:





Tanga igitekerezo kuri iyi nkuru



Igitekerezo