Barack Obama yahishuye uburyo uwenda kuba umukwe we arya cyane

Uwahoze ari Perezida wa Leta Zunze Ubumwe za Amerika, Barack Obama yagarutse ku bihe bya ‘Guma mu rugo’ yanyuzemo n’umuryango we, ariko by’umwihariko ahishura byinshi ku umusore, Rory Farquharson ukundana n’umukobwa we w’imfura, Malia Obama.

Kimwe n’abandi baturage ba Amerika, Barack Obama, na we byabaye ngombwa ko aguma mu rugo mu rwego rwo kubahiriza amabwiriza y’abashinzwe ubuzima muri iki gihe Isi yose yugarijwe n’icyorezo cya Covid-19.

Iki gihe nk’uko urubuga rwa msn.com rubivuga, cyatumye Obama abasha kumarana igihe n’abakobwa be babiri, Malia, w’imyaka 22 na Sasha, w’imyaka 19 ndetse no kurushaho kumenya umukunzi w’umukobwa we mukuru.

Mu kiganiro yagiranaga n’umunyamakuru w’imikino, Bill Simmons, Barack Obama yamuhishuriye ko yageze aho atangazwa n’uburyo uyu musore wenda kuzaba umukwe we arya cyane bya gisore.

Ati “Ni Umwongereza. Ni umusore ukiri muto ufite ubwenge. Yari yaraheze hano kubera ikibazo cya Visa ariko kubera ko yari yiyemeje gukora akazi twaramucumbikiye. Nta bushake mfite bwo kumukunda ariko ni umuhungu mwiza.”

Obama yakomeje atebya agira ati “Ntibigutangaze Bill kubera ko nawe ufite umuhungu, ariko abasore bararya cyane, biratangaza kubabona barya. Na fagitire yanjye yiyongereyeho 30%.”

Kuva muri 2017, Malia Obama ari mu rukundo n’umusore Rory Farquharson, Umwongereza w’imyaka 22 bahuriye ku ntebe y’ishuri muri Kaminuza ya Harvard.

Barack Obama aherutse gusohora igitabo yanditse yise “A Promised Land”, aho asobanuramo ukuntu igice cya mbere cya Guma mu rugo yakimaze akina imikino itandukanye anakorana ibikorwa by’ubugeni n’umugore we n’abakobwa babo ndetse na Roy ariko ngo nyuma abana bagatangira kurambirwa kwirirwana na bo.


Malia Obama w’imyaka 22 y’amavuko ari mu rukundo n’umusore Rory Farquharson


Malia Obama ari kumwe na Se Barack Obama

Perezida Kagame yakuriye inzira ku murima abamusabye kurekura Rusesabagina! Hizejwe impinduka ku misoro ihanitse y’ubutaka yinubiwe n’abaturage:





Tanga igitekerezo kuri iyi nkuru



Igitekerezo
Luc Kuya 23-12-2020

Dore ingaruka zo "gutahira" sobukwe arakuvuze wa musore we. Nta kabanga kweri