Anita Pendo yongeye kubyara

MC Anita Pendo, umwe mu bagore bakora imirimo inyuranye mu myidagaduro yo mu Rwanda, yibarutse umwana wa kabiri.

Anita usanzwe ari n’umunyamakuru w’Ikigo cy’Igihugu cy’Itangazamakuru, RBA yibarutse umuhungu kuri uyu wa Gatanu, mu bitaro biherereye i Nyarutarama.

JPEG - 75.8 kb

Amakuru yo kwibaruka kwe yahamijwe n’umugabo we Ndanda Alphonse abinyujije ku rubuga rwa Instagram, aho yashyizeho ifoto y’umwana w’umuhungu bari basanganwe agashimira Imana kuba ibahaye n’uwa kabiri.

Yagize ati “Urakoze Mana ku mwana wa kabiri uduhaye.”

JPEG - 99.7 kb

Anita Pendo yibarutse umwana we w’umuhungu w’imfura yise Tiran, tariki ya 29 Kanama 2017.

Muri Nyakanga uyu mwaka hamenyekanye ko yenda kwibaruka umwana we wa kabiri, abantu bamwe batangira kuvuga amagambo menshi ko agiye kubyara uwa kabiri n’uwa mbere akiri muto, ariko abasubiza ko icya ngombwa ari uko afite indezo.

Nzeyimana Ndanda wabyaranye na Anita ubuheta ni umukinnyi wa ruhago. Yabaye umunyezamu wa Rayon Sports igitozwa na nyakwigendera Jean Marie Ntagwabira ayivamo mu 2014 ajya muri Esperance. Ubu ni umunyezamu wa AS Kigali.

JPEG - 198.5 kb





Tanga igitekerezo kuri iyi nkuru



Igitekerezo