Amerika isaba u Rwanda ’gufata kimuntu’ Paul Rusesabagina

Umunyamabanga wungirije ushinzwe ibiro by’ibirebana na Afurika mu bubanyi n’amahanga bwa Amerika, Tibor Nagy avuga ko Amerika yiteze ko Paul Rusesabagina afatwa kimuntu.

Bwana Nagy yatangaje ko yabonanye na Mathilde Mukantabana, Ambasaderi w’u Rwanda muri Amerika, bakaganira ku ifatwa rya Paul Rusesabagina.

Paul Rusesabagina yerekanywe na leta y’u Rwanda ku wa Mbere w’iki cyumweru i Kigali afunzwe n’urwego rushinzwe kugenza ibyaha ruzwi nka RIB.

Ubugenzacyaha bw’u Rwanda bwavuze ko yafashwe hashize igihe "ashyiriweho impapuro mpuzamahanga zisaba ko afatwa agashyikirizwa ubutabera", kandi ko yafashwe "binyuze ku bufatanye mpuzamahanga".

Nta makuru arambuye yatangajwe n’u Rwanda ku gihe, igihugu, n’uburyo yafashwemo.

Uruhande rw’umuryango we n’impuzamashyaka MRCD abereye umukuru wungirije bavuga ko "yashimuswe", ko bamuheruka bwa nyuma ageze i Dubai muri Emira Zunze Ubumwe z’Abarabu (UAE).

Bavuze kandi ko yagiye i Dubai avuye muri Amerika mu mujyi asanzwe afitemo urugo wa San Antonio muri leta ya Texas.

Igitangazamakuru CNN cyo muri Amerika, cyatangaje ko amakuru cyahawe n’umutegetsi kitavuze wo muri Emira Zunze Ubumwe z’Abarabu (UAE). ari uko Bwana Rusesabagina ku wa Kane "yageze akanava" muri icyo gihugu ku wa Gatanu "mu buryo bwemewe n’amategeko".

Bwana Nagy yanditse kuri Twitter ko "Leta Zunze Ubumwe za Amerika ziteze ko leta y’u Rwanda izafata kimuntu, hakurikijwe amategeko, kandi igatanga ubucamanza butabera kandi mu mucyo kuri Bwana Rusesabagina."

Bwana Rusesabagina yamenyekanye cyane kubera film izwi cyane ku isi ya Hotel Rwanda yakinwe hashingiwe ku nkuru y’abemeje ko yabarokoye bahungiye muri Hôtel des Mille Collines i Kigali muri Jenoside mu Rwanda.

Bwana Rusesabagina usanzwe ufite uburenganzira bwo gutura muri Amerika, aregwa n’u Rwanda ibyaha byo "kuyobora umutwe n’ihuriro ry’imitwe y’iterabwoba yitwara gisirikare igizwe n’abahezanguni…".

Uregwa, ubwo yerekwaga abanyamakuru i Kigali, ntiyahawe umwanya wo kuvuga ku byo aregwa cyangwa uko yafashwe.


Umunyamabanga wungirije wa Amerika ushinzwe ibiro by’ibirebana na Afurika Tibor Nagy avuga ko Amerika yiteze ko Rusesabagina afatwa kimuntu

Umuhungu wa Rusesabagina ngo agiye gukora ibishoboka byose yisubize Se, Ben Rutabana byavuzwe ko yishwe n’u Rwanda ameze neza aho ari muri Uganda:





Tanga igitekerezo kuri iyi nkuru



Igitekerezo
Ernest karyango Kuya 3-09-2020

Sha RPF we igihe wabeshyeye Ubu noneho uravumbuwe. Leta nzima irashimuta Nta soni. Erega nyuma yo kwica abapresida 2 muri 94 mwumvise ko byose bishoboka? Aha ho mwiyambitse ubusa.