Amerika irashinja Koreya ya Ruguru gukora virusi imaze gutikiza amamiliyari ku isi

Ubutegetsi bwa Leta Zunze Ubumwe za Amerika buvuga ko Koreya ya Ruguru yagize uruhare rugaragara mu gukoresha virusi ya “WannaCry” yateye mu bitaro, mu bucuruzi no mu mabanki ku isi yose mu ntangiriro z’uyu mwaka bigateza ibigo bitandukanye igihombo cy’amamiliyari y’amadorari.

Bivugwa ko iyo virusi yateye mu makompanyi arenga 300.000 mu bihugu 150 byatumye haba igihombo cy’amamiriyari y’amadolari.

Umuvugizi wa Perezida Trump, Thomas Bossert yavuze ibi ubwo yaganiraga n’ikinyamakuru cya Wall Street Journal. Ni ubwa mbere Amerika ishinja igihugu cya Koreya ya Ruguru iyi virusi.

PNG - 596.7 kb
Umuvugizi wa Perezida Trump


Mudasobwa zikoresha Windows zatewe n’iyo Virusi bituma zimwe zipfa abazikoresha bagasabwa kuriha amafaranga kugira ngo zikorwe banongere kubona ibyariho.
Umuvugizi wa Trump mu bijyanye n’umutekano mu gihugu, yavuze ko ibyo abivuga ashingiye ku bimenyetso bihari.

Leta y’u Bwongereza na kompanyi ya mudasobwa ya Microsoft bashinja Koreya ya Ruguru iyo virusi.

Mu kwezi kwa gatanu mudasobwa zikoresha Windows zatewe n’iyo virusi zihita zigira ibibazo, abazikoresha bakaba basabwa kuriha amafaranga kugira ngo basubire kubona ibyarimo.

PNG - 643.2 kb
Kugeza ubu Koreya ya Ruguru ntacyo iratangaza ku byo ishinjwa

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
Nshimiyimana jaenclaude Kuya 29-12-2017

Iyo virus iraturembeje