Ambasade ya Amerika muri Iraki yarashweho Misile 5

Misile eshatu muri eshanu zo mu bwoko bwa ’Rocket’ zarashwe kuri ambasade y’America i Baghdad muri Iraq mu ijoro ryo kuri uyu wa 26 Mutarama 2020. Zirashwe nyuma y’imyigaragambyo yiriwe mu mugi wa Basra yamagana guverinoma iriho kuko itarashoboye kuvana ingabo z’America ku butaka bwabo.

Aya makuru yemezwa na Minisitiri w’Intebe wa Iraq, Adil Abdul Mahdi avuga ko nta byinshi byangiritse gusa ngo harakorwa iperereza, ababigizemo uruhare bahanwe. Uruhande rw’America rwemeje ko nta bantu bakomerekeyemo.

Minisiteri y’Ububanyi n’Amahanga ya Iraq iramagana abagabye iki gitero, yongeraho ko bagomba gucunga umutekano w’abadipolomate b’America, abaturage babo ndetse n’ingabo zabo.

Ibikorwa by’ubushotoranyi ku banyamerica muri Iraq birakomeje aho tariki ya 27 Ukuboza 2019, abanya-Iraq bakoze imyigaragambyo, bagaba igitero kuri ambasade y’America na none. Tariki ya 8 Mutarama 2020, ingabo za Iran zihoreraga ku rupfu rwa Gen. Qassem Soleimani zagabye igitero ku birindiro bibiri by’America muri Iraq, iki cyagabwe kuri uyu wa 26 Mutarama ni icya gatatu mu gihe kitarenze iminsi 29.

Irebere na Video utapfa gusanga ahandi hose: Umugore wa Barafinda yariye karungu byose abishyira hanze:





Tanga igitekerezo kuri iyi nkuru



Igitekerezo