Mu gihe ibyavuye mu matora muri Tanzania bigikomeje gukusanywa, amajwi y’agateganyo amaze gutangazwa ku matora y’umukuru w’igihugu yabaye ku wa Gatatu tariki ya 28 Ukwakira 2020, yerekana ko Dr John Pombe Magufuli w’ishyaka riri ku butegetsi rya CCM yanikiye mukeba we Tundu Lissu wa Chadema.

Nk’uko bitangazwa n’ukuriye akanama gashinzwe amatora muri Tanzania, Perezida Magufuli ngo ari imbere cyane ku ijanisha rya 80% ku majwi amaze kubarurwa angana na bibiri bya Gatatu.

Umukeba we mukuru wo mu ishyaka rya Chadema, Tundu Lissu afite amajwi angana na 12% by’amaze kubarurwa.

Komisiyo y’amatora ivuga ko kugeza ubu imaze kubarura amajwi yavuye mu turere tw’amatora 225 kuri 264.

Abatavuga rumwe n’ubutegetsi bavuga ko batazemera ibizatangazwa ko byavuye mu matora yo ku wa Gatatu tariki ya 28/10/2020.

Akanama gashinzwe gutegura no guhagararira amatora muri Tanzania kavuga ko kazatangaza amajwi ntakuka y’ibyavuye muri ayo matora ejo ku wa Gatandatu tariki ya 31/10/2020.

Hon BAMPORIKI YASUBIJE UWAMUSABYE KUBARIRA IMINSI YE KU NTOKI, OFISIYE YACIKANYE AKAYABO, AYA N’ANDI MAKURU MESNHI UTASANGA AHANDI NI K’UMUBAVU TV ONLINE:

---

---