Amasoko 2 akomeye mu Mujyi wa Kigali  arafunzwe kubera COVID-19

Guhera kuri uyu wa Mbere tariki 17 Kanama 2020, Umujyi wa Kigali wategetse ko kubera kwiyongera kw’icyorezo cya Coronavirus isoko rya Nyarugenge n’isoko ry’ibiribwa rizwi nko kwa Mutangana afunga mu gihe cy’iminsi irindwi.

Iki cyemezo cyatangajwe nyuma y’uko Minisiteri y’Ubuzima ivuze ko mu Rwanda habonetse abantu bashya 101 banduye Coronavirus, barimo 80 bo mu Mujyi wa Kigali harimo abapimwe mu isoko rya Nyabugogo.

Isoko rya Nyarugenge, rikoreramo abacuruzi babariwa mu bihumbi, riri mu masoko ya mbere manini mu Rwanda, isoko ryo kwa Mutangana riri i Nyabugogo rizwiho umwihariko wo kurangurirwamo ibiribwa bijya ku yandi masoko muri Kigali.

Ku mbuga nkoranyambaga bamwe bavuga ko iki cyemezo gikwiriye, abandi bakavuga ko nta kinini gifasha kuko abakorera muri ayo masoko banduye muri bo bajya kwanduza abo basanze.

Kugeza ku wa Kane ushize mu minsi 14 yari ishize hari habonetse abantu 222 banduye Covid-19, iyi mibare yari yagabanutseho hejuru ya kimwe cya Kabiri ugereranyije n’iminsi 14 yari yabanje.

Mu minsi itatu gusa ishize, ni ukuvuga ku wa Gatanu, ku wa Gatandatu no ku Cyumweru, hatangajwe abantu 253 banduye Covid-19, muri abo 219 ni abo mu Mujyi wa Kigali.

Muri rusange abamaze kwandura COVID-19 kuva igaragaye mu Rwanda hagati muri Werurwe ni 2,453, muri bo 1,648 barayikize mu gihe imaze guhitana abantu 8.


Mu gitondo cyo kuri uyu wa mbere, abacuruzi bamwe bagiye kurema isoko basanga zahinduye imirishyo ryafunzwe babuzwa na Polisi kuryinjiramo


Ayo masoko ni irya Nyarugenge n’iryo kwa Mutangana i Nyabugogo nkuko itangazo ry’Umujyi wa Kigali ribivuga

Ikihishe inyuma yo kwirukanwa kwa Karasira Aimable wari umwarimu muri Kaminuza y’u Rwanda:





Tanga igitekerezo kuri iyi nkuru



Igitekerezo