Amabwiriza agenga ifungurwa ry’insengero muri COVID-19

Nyuma yuko Inama y’Abaminisitiri yo ku wa Kabiri tariki ya 30 Kamena 2020 yanzuye ko insengero zizakomeza gufungwa mu gihe abanyamadini n’amatorero bari biteze ko bashobora gukomorerwa, Minisiteri y’Ubutegetsi bw’Igihugu (MINALOC) yashyizeho amabwiriza agomba kubahirizwa mu rwego rwo kwitegura ifungurwa ry’insengero n’imisigiti mu gihe cya COVID-19.

MINALOC yasohoye aya mabwiriza isaba abanyamadini n’amatorero kuyakurikiza mu kwitegura ko bakomorerwa bakongera gusenga birinda ikwirakwira ry’icyorezo cya COVID-19.

Bimwe mu bikubiye muri aya mabwiriza yashyizweho umukono na Minisitiri w’Ubutegetsi bw’Igihugu, Prof Shyaka Anastase ku wa 30 Kamena 2020, harimo nko kubuza abakristu gutura amafaranga mu ntoki ahubwo bagakoresha uburyo bw’ikoranabuhanga burimo nka Mobile Money n’ibindi.

Kuri uyu wa 1 Nyakanga 2020, umuntu wa Gatatu ku butaka bw’u Rwanda yishwe na Coronavirus, mu gihe habonetse abarwayi 17 bashya mu gihe abayikize ari 33.

Abarwayi 17 bashya basanganywe Coronavirus mu bipimo 3961 bakuwe mu bice bitandukanye birimo Kigali ifite barindwi, Ngoma: 6, Rubavu:2 na Rusizi yagaragayemo babiri.

Mu Rwanda hamaze kuboneka abantu 1042 banduye Coronavirus mu bipimo 147 904 byafashwe mu gihe abantu 480 bakize naho 559 bakaba bakiri kwitabwaho mu bitaro.


Aya mabwiriza ya MINALOC aje nyuma yuko hari zimwe mu nsengero zari zatangiye gutegurwa uburyo zasengerwamo hirindwa COVID-19

RIB n’Ubushinjacyaha baritana ba mwana kuri Dosiye ya Dr Isaac Munyakazi n’andi makuru menshi utapfa gusanga ahandi ni k’UMUBAVU TV ONLINE:





Tanga igitekerezo kuri iyi nkuru



Igitekerezo