Al-Shabab iridoga ko ariyo yishe umusirikare wa Amerika

Umutwe w’iterabwoba ugendera ku mahame ya Kisilamu, Al-Shabab wigambye wemeza ko ariwo wagabye igitero cyahitanye umusirikare wa Amerika, gikomeretsa abandi bane i Jubaland, mu gihugu cya Somalia.

Iki gitero cyagabwe na Al-Shabab i Jubaland, aho abasirikare ba Leta Zunze Ubumwe za Amerika bakambitse, bakaba bafasha igisirikare cya Somalia guhangana n’uyu mutwe ufatwa nk’uwiterabwoba.

Nk’uko BBC ibitangaza, ngo ni umusirikare wa mbere w’umunyamerika umenyekanye ko yaguye mu mirwano muri Somalia kuva mu kwezi kwa Gatanu kw’umwaka ushize.

Prezida Donald Trump arihanganisha umuryango wabuze uwabo, agira ati “ Ibitekerezo byanjye n’amasengesho yacu ari kumwe n’umuryango wabuze umukozi wacu wishwe n’abandi bagakomereka muri Somalia”.

PNG - 242.6 kb
Kuri Twitter ye Prezida Donald Trump yavuze ko abaguye muri icyo gitero ari incungu z’igihugu.


Abasirikare barenga 500 ba Amerika bafatanya n’ab’umuryango wa Afurika Yunze ubumwe mu kugarura amahoro muri Somalia ikomeje kuzongwa n’ibitero bya Al-Shabab.

PNG - 738.6 kb
Abasirikare ba Amerika bari muri Somalia gufashanya n’aba Amisom
PNG - 804.8 kb
Al-Shabab iracyafise uduce igenzura muri Somalia

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo