Africa izahabwa doze miliyoni 220 z’urukingo rwa Covid-19

Ishami ry’Umuryango w’Abibumbye ryita ku buzima (WHO/OMS) rivuga ko urukingo rwa Covid-19 nirwemezwa ku ikubitiro Afurika izahabwa nibura doze miliyoni 220.

Aba mbere bazakingirwa byihutirwa ni abakozi mu nzego z’ubuzima bita ku barwayi hamwe n’amatsinda y’abantu bageramiwe nk’uko Richard Mihigo ushinzwe porogaramu za OMS muri Afurika abivuga.

Avuga ko gutanga uru rukingo bizashingira ku mubare w’abaturage ba buri gihugu.

Bwana Mihigo avuga ko ibihugu byose 54 bya Afurika byamaze kugaragaza ko bikeneye urukingo rwa Covid-19.

Afurika ituwe n’abantu barenga miliyari 1.3.

Ishyirahamwe ry’abakora bakanatanga inkingo ku isi ryitwa COVAX, rigamije gufasha kubona no gukwiza mu buryo budasumbanya inkingo zingana na doze miliyari ebyiri bitarenze impera za 2021.

Iri shyirahamwe rifite inkingo icyenda zakozwe z’iyi virusi ubu ziri ku rwego rw’igerageza rya nyuma ku isi.

Ebyiri muri izo nkingo ziri kugeragerezwa muri Afurika nk’uko bivugwa na Richard Hatchett ukuriye Coalition for Epidemic Preparedness Innovations (CEPI).

Kugeza ubu ku isi ituwe n’abaturage barenga Miliyari 7, abantu 26,208,690 bamaze kwemezwa ko banduye icyorezo cya COVID-19, muri bo 17,432,165 baragikize mu gihe kimaze kwica 867,219.

Leta Zunze Ubumwe za Amerika zitari gucana uwaka na OMS ni zo zigeramiwe na COVID-19 cyane kuko zifite abangana na 6,167,442 bemejwe ko banduye COVID-19, muri bo 3,367,438 baragikize mu gihe kimaze kwica abagera ku 186,718 muri iki gihugu cy’igihangange.

Abaturage bakoze imyigaragambyo bamwe barafungwa, Amerika yasabye u Rwanda gufata Rusesabagina ’kimuntu’ n’andi makuru menshi utapfa gusanga ahandi, sura UMUBAVU TV ONLINE:





Tanga igitekerezo kuri iyi nkuru



Igitekerezo