Abishe Depite Ibrahim si uko umukino wa Politike ukinwa- Perezida Museveni

Perezida wa Repubulika ya Uganda, Yoweri Kaguta Museveni yababajwe cyane n’urupfu rw’umudepite wo mu ishyaka rya NRM warasiwe hafi y’urugo rwe agahita yitaba Imana, yabwiye abamwishe ko biruhirije ubusa kuko Politike ikinwa n’ibitekerezo atari iterabwoba.

Ibi Perezida wa Uganda Museveni yabitangaje ubwo yari mu rugo rwa nyakwigendera Depite Ibrahim Abiriga, ati, “Abakomeje kurwanya ubutegetsi buriho bica inzirakarengane byaba byiza bakoresheje ibitekerezo bahangana, ariko ntibakomeze guhitana ubuzima bwa bamwe mu bafite ibitekerezo byubaka igihugu.”

Yakomeje avuga ko ubwicanyi bw’uyu mudepite bushingiye cyane kuri politike kandi ko abamwishe batazatinda gufatwa kuko batabonetse haba hari ikibazo mu bashinzwe umutekano.

Ati, “Ubu bwicanyi ni ubwa politike, kuko uyu mugabo ni umwe mu bari bafite ibitekerezo bikomeye mu ishyaka riri ku butegetsi rya NRM ”.

Museveni yakomeje yibaza ati:" kuki abaturwanya bose bica abantu bacu bakoresheje imbunda? bibwira ko twebwe mu bushobozi bwacu nta mbunda dufite."

Museveni yibukije ko we n’ishyaka rye bafite abademobe barenga miliyoni 12 bahoze mu gisirikare kandi ko bibaye ngombwa nabo bakwitabazwa.

Uyu mudepite ni umwe mu bari bakomeye mu ishyaka rya NRM kuko ni we watangije gahunda yo kuvugurura itegeko nshinga cyane cyane mu ngingo ya 102 yakumiraga umukuru w’igihugu kuyobora arengeje imyaka 75.

Depite Ibrahim Abiriga yishwe kuwa gatanu w’icyumweru gishize arasiwe hafi y’urugo rwe ahita yitaba Imana hamwe n’uwari ushinzwe kumucungira umutekano.

Umuhango wo kumuherekeza bwa nyuma utegenijwe ku gicamunsi cyo kuri uyu wa mbere mu rugo rwe aho biteganijwe ko na Perezida Museveni ari bwitabire uyu muhango.

PNG - 671.1 kb
Uyu ni Depite Ibrahim Abiriga warashwe n’abantu babiri bari kuri moto agahita apfa ku gicamunsi cyo ku wa Gatanu tariki ya 08 Kamena 2018 ahagana saa kumi n’igice z’umugoroba

@Umubavu.com





Tanga igitekerezo kuri iyi nkuru



Igitekerezo
munezero izayi Kuya 12-06-2018

Andika Igitekerezo Hanno birababaje kbx

munezero izayi Kuya 12-06-2018

Andika Igitekerezo Hanno birababaje kbx

kato arex Kuya 11-06-2018

Abicanyintahibataba ngenanziko Dmi ariyoyicagunonenomuri. Ugandabaricabatyonagahomamunwagkse kyakora urwegorwipererezarubonyeikitaka.

kato arex Kuya 11-06-2018

Abicanyintahibataba ngenanziko Dmi ariyoyicagunonenomuri. Ugandabaricabatyonagahomamunwagkse kyakora urwegorwipererezarubonyeikitaka.

kato arex Kuya 11-06-2018

Abicanyintahibataba ngenanziko Dmi ariyoyicagunonenomuri. Ugandabaricabatyonagahomamunwagkse kyakora urwegorwipererezarubonyeikitaka.

kato arex Kuya 11-06-2018

Abicanyintahibataba ngenanziko Dmi ariyoyicagunonenomuri. Ugandabaricabatyonagahomamunwagkse kyakora urwegorwipererezarubonyeikitaka.

kato arex Kuya 11-06-2018

Abicanyintahibataba ngenanziko Dmi ariyoyicagunonenomuri. Ugandabaricabatyonagahomamunwagkse kyakora urwegorwipererezarubonyeikitaka.