Abanyeshuri ba Kaminuza bafatiwe inyuma y’ishuri bisambanira abandi bari mu ishuri

Umusore n’inkumi bo muri Kaminuza ya Makerere yo mu gihugu cya Uganda, baguwe gitumo na bagenzi babo bari gusambana bihishe inyuma y’ishuri, mu gihe bagenzi babo barimo kwigira ikizamini cya nyuma.

Uyu musore n’inkumi batatangajwe amazina bafatiwe muri iki gikorwa kigayitse, bombi biga mu ishami ry’Ubukerarugendo muri iyi Kaminuza ya Makerere iherereye mu mujyi wa Kampala muri Uganda.

Ikinyamakuru The Blizz cyanditse iyi nkuru cyanditse ko ibi byabaye mu gihe abandi banyeshuri bo muri iyi Kaminuza barimo bakora ibizamini bisoza igihembwe, aba bakaba barashatse gufatiranya abandi bahugiye mu kizamini ariko ntibyabahira kuko bagenzi babo babaguye gitumo.

PNG - 817 kb
Aba banyeshuri bafashwe na bagenzi babo bisambanira inyuma y’ishuri bakwirwa imishwaro mu gihe bagenzi babo bigiraga ikizamini


Uyu musore n’inkumi babaye nk’abakubiswe n’inkuba ubwo babonaga bagenzi babo babagezeho bibereye mu gikorwa cyabo, babura aho bakwirwa ndetse umukobwa we kwambara bibanza no kumunanira kubera isoni n’igihunga.

Abanyeshuri babasanze muri iki gikorwa bahise bahamagara ubuyobozi bw’ikigo, ndetse banitabaza polisi, ihita ihagera maze barafatwa bajyanwa kuri sitasiyo ya polisi iri mu gace iyi Kaminuza iherereyemo kugira ngo bakurikiranwe kuri iki gikorwa cy’urukozasoni cyakorewe aho bise ku karubanda.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo
Nsekanabo Theoneste Kuya 16-05-2018

Mbega amahano. ibi ntibikwiye rwose.Uku ni ukwitesha agaciro.