Abakinnyi n’abatoza bakomeje kugaragaza ubumuntu mu gihe cya COVID-19

Guardiola, iwe mu rugo i Barcelona, mu minsi yashize yakoranye n’abamwunganira kugira ngo bashake uburyo bwiza bwo gukoresha amafaranga azifashishwa mu bukangurambaga butezwa imbere na College Medical of Barcelona na Angel Soler Daniel Foundation.

Espagne ni kimwe mu bihugu byibasiwe cyane ni iki cyorezo cya Covid-19, imibare yatangajwe na Minisiteri y’Ubuzima yo muri Espagne ku wa Kabiri, yerekanye ko abantu 2.696 bapfiriye muri iki gihugu kandi abagera ku 40.000 banduye.

Madrid ni ko kaza ku isonga mu duce tuyoboye utundi muri Espagne dufite umubare munini w’abantu banduye icyorezo cya COVID-19.

Ikinyamakuru cyandikirwa muri Espange “Mundo Deportivo” cyatangaje ko Messi ukinira ikipe ya Barcelona yatanze miliyoni 1 y’amayero mu bitaro bibiri, kimwe kibarizwa mu mugi wa Barcelona ndetse n’icyo mu gihugu cye cya Arijantine.

Umukinnyi wa Juventus Ronaldo hamwe n’umukozi we Jorge Mendes batanze inkunga ingana na miliyoni imwe y’Amayero ihwanye na miliyali imwe na miliyoni mirongo itatu n’eshatu z’amanyarwanda (1,033,000,000 frw) izajya yifashishwa mu kurwanya no gukumira Coronavirus mu bitaro by’i Lisbonne na Porto mu gihugu cye Portugal.

Mu cyumweru gishize, umukinnyi wa Bayern Munich, Robert Lewandowski, yatanze miliyoni 1 z’amayero yo kurwanya icyorezo cya Coronavirus mu Budage.

Yanditswe na DUSHIMIMANA Elias

COVID-19: Inzara igiye kutwica, maze Kabiri ntarya, Leta nidufashe naho ubundi ubuzima bumeze nabi:





Tanga igitekerezo kuri iyi nkuru



Igitekerezo