Abajura bataburuye umurambo bishakira kwiba isanduku

Ni mu gihugu cya Kenya aho abajura bo mu cyaro cya Kirichu kibarizwa mu gace ka Nyeri bitwikiriye ijoro bagataburura umurambo w’umugore utavuzwe amazina wari umaze iminsi mikeya ashyinguwe, bagamije kwiba isanduku ifite agaciro k’amafaranga arenga ibihumbi 600 (mu manyarwanda).

Uretse iyi sanduku aba bajura bashakaga kwiba, Tuko baravuga ko uyu mugore kandi yari yashyinguranywe imyenda y’agaciro aribyo byatumye aba bajura bitwikira ijoro bakajya gutaburura uyu murambo w’uyu mugore.
Mu gitondo cyo kuri uyu wa Kane tariki ya 25 Mutarama 2018, nibwo abaturage bo mu gace ka Nyeri babyutse basanga imva ya nyakwigenderas yacukuwe bibatera ubwoba bibaza uko byagenze dore ko batakekaga ko hari uwakora iryo bara.
Abavandimwe ba nyakwigendera bavuga ko bari bamushyinguye mu isanduku ihenze y’agaciro k’asaga 655,153 Frw ndetse n’imyambaro ifite agaciro.
Ku bw’amahirwe makeya, aba bajura bwabakereyeho batarabasha kurangiza kugera ku ntego yabo uretse gusa imwe mu myenda bambuye uyu murambo ariko bikabananira kujyana isanduku. Aba bajura kandi basize bajugunye hejuru umusaraba wari hejuru y’iyi mva nko Tuko bakomeza babivuga.
Abayobozi bo mu gace kabereyemo ibi, bavuga ko aka gace gasanzwe karangwamo insoresore usanga ari inzererezi ndetse n’ibisambo bityo akaba aribo bakekwaho gukora aya mahano dore ko ngo abenshi usanga nta kazi bagira.

Ubu buyobozi bwo muri akagace kandi bwasabye urubyiruko kujya rukura amaboko mu mifuka rugashaka akazi karufasha mu mibereho yarwo aho kwishora mu bujura bushobora kuruteza ingorane z’ubuzima bwose.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
Mikel Kuya 27-01-2018

mbega abanyamakauru?ubu se? iyi nkuru yabereye he?

Mikel Kuya 27-01-2018

mbega abanyamakauru?ubu se? iyi nkuru yabereye he?

kabera erneste Kuya 26-01-2018

byabereye mu rwanda se ?ahagana he ?!!!inkuru ituzuye mujye mugerageza kuba aba professionnel !!!