Abagabo bikorejwe intumbi y’ihene bibye bambaye ubusa banaboshye

Abagabo babiri bo mu gihugu cya Nigeria bahuye n’uruvagusenya nyuma yo gufatwa bibye ihene bagategekwa kuzenguruka mu gace bayibyemo bikoreye intumbi yayo ndetse bambaye ubusa dore ko bari bamaze kuyica bashaka kuyirya.

Aba bagabo babiri baricuza ku bujura bwabo nyuma yo gufatwa n’uwo bari bibye ihene bagategekwa kuzengurukana intumbi yayo bayikoreye mu gace gaherereye mu mujyi wa Lagos muri Nigeria.

Uyu mugabo wari wibwe iyi hene ngo yamenye amakuru nyuma yuko uwitwa Babajide Orevba ashyize ku mbuga nkoranyambaga ubutumwa buvuga ko yabonye abajura babiri batwaye ihene mu gace ka lango la Old Toll, gaherereye mu mujyi wa Lagos kubw’amahirwe nyuma yo gushakisha aza kubafata aribwo yabahaye igihano cyiswe icy’umwaka cyo kuzengurukana intumbi yayo bambaye ubusa kugira ngo bacukire kuzongera kwiba abantu.

PNG - 983.6 kb
Aba bagabo bafashwe bamaze gutwika iyi hene ngo bayikureho uruhu babone uko bayirya


Nyuma yuko bacakiwe n’uwo bari bibye, aba bagabo bahise baboheshwa umunyururu kugira ngo badacika niko kwikorezwa intumbi y’iyo hene bayizengurukana mu gace bayibyemo ndetse bajyanwa n’aho bavuka bayikoreye nkuko ikinyamakuru Tuko dukesha iyi nkuru cyabyanditse.

Ifoto y’aba bagabo bikoreye intumbi y’ihene yakwirakwijwe ku mbuga nkoranyambaga zitandukanye mu mpera z’icyumweru gishize abantu batangarira igihano cyahawe aba bagabo. Aba bagabo ntacyo bigeze batangaza ku bujura bwabo bwabasigiye icyasha gikomeye aho bavuka ndetse n’aho bibye.

Uwari wibwe ihene yasobanuriye abantu ko icyamuteye guha igihano gikakaye abo bagabo yari agamije kugira ngo arebe ko nibura bareka ingeso yabo y’ubujura ndetse no kubamenyesha abandi bantu kugira ngo nabo batazabacucura utwabo bagasigara bimyiza imoso.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo