Abafatanywe na Kizito bamaze umwaka n’amezi atatu  bataraburana mu mizi

NKUNDIMANA Jean Bosco, HARERIMANA Innocent na NGAYABAHIGA Joel, bafatanywe na nyakwigendera KIZITO Mihigo wari umuhanzi uzwi ku wa 14 Gashyantare 2020, mu Karere ka Nyaruguru mu Murenge wa Nyabimata aho bikweka ko bari mu nzira zo gutorokesha KIZITO Mihigo byavuzwe n’abashinzwe umutekano ko yashakaga kujya i Burundi.

Bashinjwa ibyaha birimo Gushaka kwambuka umupaka mu buryo bunyuranyije n’amategeko, ndetse n’Icyaha cyo Gutanga ruswa.

Nyumay’iminsi mike ,Police y’u Rwanda yatangaje urupfu rwa Kizito Mihigo ku wa 27 Gashyantare 2020, itangazo ryavugaga ko “mu rukerera rwo kuri uyu wa mbere ahagana saa kumi n’imwe (05h00) ari bwo basanze Kizito w’imyaka 38 yiyahuye.”

Aba bagabo bamaze umwaka n’amezi atatu bataraburana mu mizi, bwa Mbere bageze mu Rukiko Rwisumbuye rwa Nyarugenge ku wa 12 Mutarama 2021 icyo gihe urubanza rusubikwa kubera ingamba zo kwirinda Covid-19.

Ku wa 20 Mutarama 2021 nabwo rwarasubitswe kubera kwirinda ikwirakwira rya Coronavirus. Inshuro rwaherukaga gusubikwa ni tariki 09 Werurwe 2021 Abacamanza bari bagiye kwisuzumisha Covid-19.

Mu rukiko rwisumbuye rwa Nyarugenge, ku wa Kane tariki 29 Mata 2021, babajijwe ku byaha baregwa maze uwitwa Innocent Harerimana avuga ko atemera icyaha ashinjwa.

Naho Joel Ngayabiha na Jean Bosco Nkundimana bavuga ko bemera icyaha cya mbere ariko icyaha cyo gutanga ruswa batacyemera.

Ni urubanza rwabaye hifashishijwe ikoranabunga, ubwo abaregwa baburanye bari aho bafungiye muri gereza ya Nyarugenge.

Nyuma yo kumva aba baregwa, urukiko rwasubitse uru rubanza na none, rwimurirwa tariki 13 Nyakanga 2021.





Tanga igitekerezo kuri iyi nkuru



Igitekerezo