Ababa hanze icyo basigaje ni ukwirirwa batega iminsi RPF-Gen. James Kabarebe

Mu muhango wo kwibuka inzirakarengane za Jenoside yakorewe abatutsi muri Mata 1994 ziciwe mu Mujyi wa Gisenyi, Minisitiri w’Ingabo mu Rwanda, Gen. James Kabarebe yabwiye abitabiriye iki gikorwa cyo kwibuka ko abirirwa batega u Rwanda iminsi batazi ko bidashoboka gutega iminsi ikintu kiyongera imbaraga.

Minisitiri Kabarebe yagarutse kuri ubu butumwa mu muhango wo kwibuka inzirakarengane za Jenoside yakorewe abatutsi muri Mata 1994 ziciwe mu Mujyi wa Gisenyi no mu nkengero zawo zishyinguye ku rwibutso rwa Commune Rouge bibimburiwe n’urugendo rwo kwibuka kuva mu mugi rwagati.
Yagize ati "Ntawutega iminsi ikintu kiyongera imbaraga, Ababa hanze icyo basigaje ni ukwirirwa badutega iminsi batega iminsi Leta ,batega iminsi RPF, bagatega iminsi RDF na System yacu. Turabamenyesha ko nta mugambi numwe bakora ngo hagire icyo batwara u Rwanda. Ntibibaho”.
Yakomeje agira ati “Twambutse kurwana Congo turi ibihumbi 15 EXFAR (abasilikari+Abajandarume+ interahamwe n’abandi bari bahuguwe bageraga kubihumbi 300 turabatsinda tubaca intege burundu.Niba nta somo bakuyemo ni akazi kabo,Burya kurwana n’Abantu batagira Ubwenge b’Injiji biravuna”.
Iki gikorwa cyabanjirijwe kandi n’urugendo rwo kwibuka ruva ku Gisaha rugana Commune rouge bagenda bibuka abatutsi bishwe muri jenoside.Ahantu hagiye hicirwa abatutsi harimo ku kigo cyaba scouts aho Batallion Muvumba yiciye abatutsi benshi, group Muvumba ninayo yagiye kwica mu Bisesero.
Nyuma y’urugendo rwo kwibuka kandi abayobozi batandukanye barimo Minisitiri w’Ingabo, Gen. James Kabarebe, Minisitiri w’Umuryango n’Uburinganire, Guverineri w’Intara y’Amajyaruguru, Gatabazi Jean Marie Vianney bifatanyije n’abaturage gushyira indabo ku mibiri isaga 4600 iruhukiye mu rwibutso rwa Commune Rouge.

@Umubavu.com





Tanga igitekerezo kuri iyi nkuru



Igitekerezo