Uruganda rukora inzoga “Agashinguracumu ltd”  mu yindi sura shya

Abanywa urwagwa rw’Uruganda rukora inzoga y’ibitoki yitwa Ubutunda, Inkangaza n’urwarwa rusanzwe, kuri ubu akanyamuneza ni kose kuko bamenye amakuru y’itunganywa ry’iyi nzoga ubu yamaze kwemerwa n’ikigo gitsura ubuziranenge mu Rwanda RSB. Uru ruganda ruherereye mu karere ka Rwamagana mu murenge wa Muyumbu.

Uruganda rwitwa Agashinguracumu ltd kuri ubu ruri gutangarirwa n’abakiriya babo nyuma yo kumenya ko inzoga bakora zirimo ubwoko butatu zuzuje ubuziranenge, bakaba impungenge bagiraga z’uko iyi nzoga yaba itizewe nk’izindi police ijya imena ndetse ikanahana abazikora,ubu ngo bagiye kujya bayinywa ntacyo bikonga.

Bamwe mu baganiriye n’umubavu.com banywa kuri iyi nzoga bavuga ko iryoha cyane kandi ko bagiye kongera inganoo y’iyo banywaga kuko ngo ntangaruka yabagiraho ko bazi ingano ya arukoro (alcohol) irimo ndetse ikaba inariho ikirango cya RSB (Trade Mark ).

Eng NZABONIMANA Issa Joshua ushinzwe imitunganyirize y’ibinyobwa by’Agashinguracumu avuga ko uburyo batunganyamo ikinyobwa cyabo, babanza bakanjya aho bahinga ibitoki bakavugana n’abahinzi ndetse n’abagoronome bakababwira uko abahinzi babihinga bakazana ibitoki bifite ubuziranenge.

Yagize ati, “Twebwe uko dukora turabanza tukavugana n’abahinzi hanyuma tukababwira ibyo dushaka tugashyiraho n’abagronome bakurikirana abahinzi kugirango tuzazane ibitoki byiza dukeneye, tukabitunganya tukabyenga hanyuma dufite labaratoire dufata umutobe tukareba niba umutobe twabonye ari mwiza [….] iyo tumaze kubona umutobe ko ari mwiza turawutara tugategereza, inzoga ya Butunda imara iminsi cumi nibiri, inkangaza tuba twongeyemo ubuki yo imara iminsi irindwi inzoga isanzwe yo imara iminsi itatu.”

Akomeza avuga ko bafite imashini zenga ibitoki kandi ko bakoresha ishinge benga .
Yagize ati, “Iyo tumaze kuzana ibitoki turabitunganya tukabitara byamara gushya ( bihira iminsi ine,) ibyangiritse tukabikuramo tukabijugunya ibindi tukabishyira mu mashini yenga ikabyenga. Umutobe w’umwikamire niwo dufata tugakuramo inzoga yitwa Ubutunda, nyuma tugafata umutobe wundi tukongeramo ubuki tugakuramo Inkangaza, hanyuma tugafungura tukenga inzoga isanzwe.

Umuyobozi w’uruganda rw’Agashinguracumu ltd Bwana MUTABARUKA Diogene avuga ko igitekerezo cyo gukora inzoga z’umwimerere yagikuye ku bandi ariko we aza aje kubinoza ku buryo avuga ko n’ubwo afite aho ageze urugendo rukiri rurerure.

Yagize ati, “ Murakoze cyane reka mbanze mbahe ikaze mu Gashyinguracumu ltd kucyo mwari mu mbajije Agashinguracumu ni inzogo y’urwagwa ntabwo Igitekerezo ari icyavuye mu ijuru ngo kikubite hasi, twahereye kubyo abandi bakoze, twe icyo twakoze ni ukubinoza kugirango bijye ku isoko byizewe kuko nk’uko mubizi agace dutuyemo ni agace kera ibitoki cyane.”

Uyu muyobozi avuga ko uyu mushinga wo gukora inzoga mu bitoki kandi inzoga ikaza ari umwimerere byagize akamaro kuko ngo ubu amaze guha akazi abakozi bagera kuri 80 kandi bose bibabeshejeho bo n’imiryango yabo. Arashishikariza abanyarwanda gutangira imirimo mitomito kuko ngo izagenda izamuka nk’uko nawe yatangiye ahereye hasi akaba ageze kurwego rwiza.

Kugeza ubu uruganda Agashinguracumu ltd rugeze kurwego rushimishije kuko ubwo umubavu.com babasuraga twasanze bari mu mirimo batunganya inzoga ku buryo buhambaye aho usanga abakozi basa neza ndetse n’imashini zifite technology iri hejuru.

Muri iyi minsi hari abantu usanga bakora inzoga zifite ingaruka ku bantu bita inkorano ariko police nayo nti borohera aho usanga abaturage bakoze neza bagatanga amakuru polisi ifata bene izo nzoga ikazimena, aha polisi ikomeza gusaba abaturage gukomeza kugeza amakuru kuri Polisi y’aho zikorerwa n’abazikora kugira ngo habeho gukumira no gufata abagaragara muri ibyo bikorwa by’icuruzwa n’ikoreshwa ry’inzoga z’inkorano.

Police yagiriye inama abantu bose bishora mu bucuruzi bw’ibintu bitemewe kubireka bagakora ibyemewe, aho yababwiye ko kurwanya ikwirakwizwa n’ikoreshwa ry’ibiyobyabwenge (birimo n’inzoga z’inkorano) biri mu byo Polisi y’u Rwanda yashyize imbere, bityo nta byinyagamburiro uzabikora wese azabona mu Rwanda.

Police mu minsi ishize yasabye abaturage gukomera ku muco wo gutanga amakuru kubakora inzoga z’inkorano dore ko inyishyi ziba ntabuziranenge zifite ku babicuruza n’ababinywa, kuko ari bumwe mu buryo bworoshya ifatwa ryabo no kubahashya. Kubifuza gucuruza izi nzoga bahamagara kuri iyi nomero 0788505196
By NSENGIMANA Theoneste

JPEG - 142.1 kb
Uruganda agashyinguracumu rufite tecnology iri hejuru

JPEG - 97.1 kb
Iyi tank niyo babikamo inzoga barangije kuyungurura neza





Tanga igitekerezo kuri iyi nkuru



Igitekerezo