U Bwongereza: Amadini ariyandikisha ubudakuraho ngo yemererwe gusezeranya ’Abatinganyi’ ku mugaragaro

Idini rimwe rukumbi niryo rimaze kwiyandikisha kuzajya risezeranya abashaka kubana bahuje igitsina mu mujyi wa Swansea mu gihugu cya Pays de Galles, iri dini rivuga ko abenshi mu bubakanye basangiye ibitsina usanga batazi ko bashobora gusezeranira mu nsengero ngo bikunde.

Iri dini rikorera mu mujyi wa Swansea rizwi nka Unitarian Church ryateguye igitaramo mu cyumweru cyahariwe abahuza ibitsina babisangiye LGBT ( Lesbienne, Gay, Bisexuelle, Transgenre).

Iri dini ryiyandikishije mu kwezi kwa cumi k’umwaka ushize wa 2018 ngo ribe mu madini yemera gusezeranya abasangiye ibitsina, rikaba ryiteze gushyingira aba mbere mu mwaka utaha wa 2020.

Iri dini ni rimwe mu madini 21 yo mu gihugu cya Pays de Galles (igihugu kimwe muri bitatu bigize Grande Bretagne) yanditswe kugira ngo kizajye gisezeranya abashaka kubana basangiye/bahuje ibitsina.

Gusa biravugwa ko bamwe mu bubakanye basangiye ibitsina bagira ingorane iyo bagiye mu yandi madini.

Rory Castle-Jones afite imyaka 31 y’amavuko ni umuyoboke w’iri dini akaba yubakanye n’uwo basangiye igitsina yitwa Rhys nawe wo muri iri dini riri ahitwa Neath Port Talbot mu mwaka wa 2016.

Agira ati" Byari bikenewe cyane ko jyewe na mugenzi wanjye dusezeranira mu rusengero".

PNG - 355.2 kb
Rory Castle-Jones avuga ko abashaka kubana basangiye ibitsina bahura n’ibibazo mu nsengero


Ishyirahamwe Stonewall Cymru riharanira uburenganzira bw’abahuza ibitsina babisangiye, rivuga ko insengero zikwiye gufata icyemezo ku byerekeye gusezeranya abubakanye basangiye ibitsina.

Kugeza ubu amadini menshi ntiyemera abashakana basangiye ibitsina ariko n’ubundi amenshi akomeje kugenda abona ko abashaka kubakana basangiye ibitsina ari uburenganzira bwabo.

Mu duce 21 two mu gihugu cya Pays de Galles twanditswe mu twemerewe gusezeranya abubakana bahuje ibitsina, harimo imijyi ya Neath Port Talbot, Swansea na Vale of Glamorgan ifite umwanya umwe umwe.

Hari kandi imijyi ya Caerphilly na Carmarthenshire umwe umwe ufite imyanya ibiri, Rhondda Cynon Taff ikagira itatu, Ceredigion ikagira itanu naho Cardiff nayo ikagira itandatu.

PNG - 490 kb
Rory Castle-Jones na mugenzi we Rhys bibanira bahuje igitsina

@Umubavu.com





Tanga igitekerezo kuri iyi nkuru



Igitekerezo