Musanze: Hafunzwe umuganga ukekwaho kwica wa mwangavu witwa Iradukunda

Nyuma y’inkuru yavugaga iby’urupfu rw’umwangavu witwa Iradukunda Emerence ukomoka mu Karere ka Burera ariko umurambo we ukaba warabonywe muri Musanze uboshye kandi nta kintu yambaye, ubu amakuru aravuga ko hari umugabo witwa Maniriho usanzwe ari Muganga muri Musanze watawe muri yombi akekwaho kwica uyu mwali.

Ku itariki ya 04 Ugushyingo, 2020 nibwo mu bitangazamakuru bitandukanye hakwirakwiye inkuru y’urupfu rwa Iradukunda Emerence byavugwaga ko yishwe avuye mu bukwe mu Karere Musanze.

Icyo gihe amakuru yavugaga ko uriya mukobwa yari yaravuye iwabo mu Kagari ka Kidakama, Umurenge wa Gahunga muri Burera agiye mu bukwe i Musanze.

Dr Thierry B. Murangira, uvugizi w’urwego rugenza ibyaha mu Rwanda, RIB yabwiye UMUSEKE ko hari umugabo witwa Miniriho watawe muri yombi akurikiranyweho uruhare mu iyicwa rya Iradukunda Emerance w’imyaka 17 y’amavuko.

Ati “Ubu noneho hafashwe umugabo witwa Maniriho wakoraga muri Clinic i Musanze. Yatawe muri yombi tariki ya 09 Ugushyingo, akaba akekwaho kandi akurikiranweho icyaha cyo kuba yarasambanyije kandi akica Iradukunda Emerance.”

Ku byerekeye ubugenzacyaha, hari amakuru avuga ko RIB yategetse ko umurambo wa Iradukunda utabururwa kugira ngo iperereza rikomeze, kuko abavandimwe n’abandi bari bahisemo kumushyingura.

Kuri iyi ngingo Dr Murangira, avuga ko gutaburura uriya murambo byakozwe mu nyungu z’iperereza.

Ati “…Impamvu ya biriya byose ni iperereza. Iyo ukora iperereza hari ibimenyetso ugenda ugeraho bikakwerekeza ku bindi.”

Ku itariki ya 02 Ugushyingo, 2020 nibwo umurambo wa Iradukunda Emerance bawusanze mu murima w’umuturage wo mu Kagari ka Gakoro, Umurenge wa Gacaca muri Musanze.

Icyo gihe umunyamabanga Nshingwabikorwa w’Umurenge wa Gahunga, Mukamusoni Jeanne d’Arc, yavuze ko amakuru bafite avuga ko ku wa Gatatu w’Icyumweru gishize uriya mukobwa yari yagiye gufasha mugenzi we wari ufite mukuru we ugiye gukora ubukwe mu Murenge wa Rugarama mu Karere ka Burera.

Yagize ati “Byageze ku wa Gatanu iwabo bamuhamagaye basanga Telephone itariho, bahamagaye uwo mugenzi we ababwira ko akibafasha imirimo. Ku wa Gatandatu nibwo Se yategetse ko umwana ataha ariko wa mukobwa wari witabye iwabo [wa nyakwigendera] amubwira ko ibyo yamubwiye mbere [by’uko akibafasha imirimo] yamubeshye ahubwo ko yatashye.”


Iradukunda Emerence yishwe akiri mutoya kuko yari afite imyaka 17 y’amavuko

Menya uko iburanisha ry’urubanza rw’umuyobozi w’UMUBAVU ryagenze, urwa Paul Rusesabagina rwarasubitswe kuko Me Gatera Gashabana ugiye kumwunganira adahari, indaya zo mu Gatsata zirashaka amakarita y’akazi n’andi makuru menshi k’UMUBAVU TV ONLINE:





Tanga igitekerezo kuri iyi nkuru



Igitekerezo
Angal Kuya 5-01-2021

Andika Igitekerezo Hanno

Umuganga Nawe Bamwice

Angal Kuya 5-01-2021

Andika Igitekerezo Hanno

Umuganga Nawe Bamwice

Hategekimana Eric Kuya 16-11-2020

Uwo muganga nahanwe kuko yakoze ibintu bibi cyane!

Hategekimana Eric Kuya 16-11-2020

Uwo muganga nahanwe kuko yakoze ibintu bibi cyane!

D Kuya 11-11-2020

UWOMUGANGA AHANWE YARAHEMUTSE CYANE UWO MWANA IMANA IMWAKIRE.

D Kuya 11-11-2020

UWOMUGANGA AHANWE YARAHEMUTSE CYANE UWO MWANA IMANA IMWAKIRE.