Guinea: Alpha Condé yemerewe guhatanira Manda ya Gatatu

Urukiko rurengera Itegeko Nshinga rwa Guinea, ari na rwo rukuru muri iki gihugu, rwemereye Perezida Alpha Condé w’imyaka 82 kwiyamamariza manda ya Gatatu mu matora yo mu kwezi gutaha.

Uru rukiko rwemereye n’abandi bakandida 11, barimo na Cellou Dalein Diallo uri mu bahabwa amahirwe wo mu batavuga rumwe n’ubutegetsi.

Hashize amezi hari imyigaragambyo yo kwamagana ko Bwana Condé yongera kwiyamamaza nyuma y’uko asabye ko Itegeko Nshinga rihindurwa muri Referendum yabaye mu kwezi kwa Gatatu, kugira ngo abashe kwiyamamariza manda ya Gatatu.

Abantu bagera kuri 30 bamaze gupfira muri iyo myigaragambyo.

Bwana Condé, wabaye imyaka myinshi mu ruhande rutavuga rumwe n’ubutegetsi, yatowe bwa mbere ku mwanya w’umukuru w’igihugu mu 2010, aho yijeje demokarasi no kurwanya ruswa.

Yatorewe manda ya Kabiri mu 2015.

Kuwa Kabiri, Perezida wa Nigeria Muhammadu Buhari yasabye abategetsi b’ibihugu bya Afurika y’iburengerazuba kubaha ingingo z’Itegeko Nshinga kuri manda z’umukuru w’igihugu avuga ko kunyuranya na zo ari byo soko y’ibibazo bya politiki n’akaga muri ako karere.

Uwari umuvugizi w’ishyaka rya DALFA Umurinzi ritavuga rumwe n’ubutegetsi buriho mu Rwanda nyuma yo guhagarika kuvugira iri shyaka, yahunze igihugu ngo kuko yari ku gitutu gikomeye kandi ngo yari yarakiriye amakuru ko ashobora no kugirirwa nabi, MRCD-Ubumwe yasabiye u Rwanda ibihano ku ifatwa rya Paul Rusesabagina, kimwe n’andi makuru mesnhi urayiyumvira k’UMUBAVU TV ONLINE:





Tanga igitekerezo kuri iyi nkuru



Igitekerezo