’Umwenya’ ikinyobwa gifasha kongera imbaraga mu mabanga y’abashakanye

HORAH GROUP LTD ni kampani ikora ibintu bitandukanye birimo ubworozi bw’inkoko, gutanga amahugurwa atandukanye mu bintu bitandukanye mu gukora amasabune n’amavuta, bagira kandi uruganda rukora ikinyobwa kitwa ‘umwenya’.

Mu bijyanye n’ubworozi n’amahugurwa iyi kampani wabasanga mu karere ka Musanze mu gihe ku bijyanye n’ibicuruzwa byabo birimo ikinyobwa cyavuzwe haruguru wabasanga mu karere ka Rubavu kuko uruganda rutunganya iki kinyobwa ariho rubarizwa.
Kanda hano urebe ikiganiro twagiranye

Ku bijyanye n’ubuziranenge bw’ikinyobwa ‘umwenya’ iyi kampani bakora, umuyobozi wa HORAH GROUP LTD, Musabyimana Jean Claude aganira n’umunyamakuru w’umubavu.com yamaze impungenge abifuza iki kinyobwa ngo kuko bamaze kubona ibyangombwa bitangwa n’Ikigo cy’Igihugu Gitsura Ubuziranenge, RSB bibemerera gukora iki kinyobwa mu buryo bunoze kandi bwizewe.

Umuyobozi wa HORAH GROUP LTD ati “iki kinyobwa kirizwe kuko twabonye ibyangombwa bitangwa n’Ikigo cy’Igihugu Gitsura Ubuziranenge, RSB (twabonye Standard Mark, ‘S’ Mark), rero ni ikinyobwa kizewe kandi ingamba zirakomeje kuko twifuza kuba twakigeza hirya no hino mu gihugu ndetse no hanze yacyo”.

Abajijwe niba hari izindi ntara HORAH GROUP LTD iri gukoreramo uretse Amajyaruguru (Musanze) n’Uburengerazuba (Rubavu), uyu muyobozi w’iyi kampani yamaze impungenge abifuza kwinywera ku kinyobwa cy’umwenya ko bari gutekereza gukomeza gukorera hose mu kwegereza Abanyarwanda bose iki kinyobwa.

Ati “ turi gukorera hirya no hino hatandukanye aho nko mu Karere ka Rusizi aho bita ku cyapa wahasanga umwenya ndetse no mu Burasirazuba mu bice bitandukanye naho ushobora kuhabona ikinyobwa cy’umwenya”.

Ikinyobwa cy’umwenya si inzoga nkuko benshi bashobora kubitekereza kandi iri jambo ryakoreshejwe kuri iki kinyobwa rifite n’icyo risobanura mu mateka y’abanyarwanda.

Uyu muyobozi ati “umwenya si inzoga nkuko benshi babitekereza kandi si n’ijambo rishya kuko rifite byinshi risobanuye mu mateka y’Abanyarwanda kuko umwenya wakoreshwaga mu gihe babaga bafite ikibazo cy’inkorora, umwenya wakoreshwaga kandi nk’umuti w’amenyo (Colgate) w’icyo gihe kuko mbere y’umwaduko w’Abazungu twari tutarabona uburyo bwo koza amenyo, ukabavura ifumbi kandi bikanabafasha guhumuza mu kanwa kugira ngo mu gihe baganira ntihagire ugira ikibazo cy’impumuro mbi yashobora guturuka mu kanwa k’umwe”.

Ubushakashatsi kandi bwagaragaje ko igiti cy’umwenya iyo ubashije kukibona ukagifata ukagisoroma ukagicanira mu mazi byafasha cyane ku bantu bafite nk’ikibazo cy’indwara ya Diabete ndetse umuvuduko w’amaraso.

Umwenya kandi Abanyarwanda kenshi bawukoreshaga cyane ngo nk’iyo babaga bagize intege nkeya mu gutera akabariro bityo ukabafasha kubasha gukomeza kubaka ingo zabo neza hatabayeho ibibazo nkuko uyu muyobozi wa HORAH GROUP LTD akomeza abisobanura dore ko iyi ari inkingi ya mwamba mu kubaka urugo ruzira amahari.

Umwenya ngo ufite umwihariko mu buvuzi Gakondo bwa Kinyarwanda kandi meza ngo dore ko n’umuntu ufite intege nkeya mu mubiri iyo akoresheje umwenya ngo integer ziragaruka ndetse ngo umwenya unafasha mu rwugano ngogozi ku buryo ibyo umuntu yariye bitamuheramo.

Uretse ibi byiza/umumaro w’ikinyobwa cy’umwenya, umuyobozi wa HORAH GROUP LTD ashishikariza abantu kwitabira kugura/gucuruza iki kinyobwa dore ko kugicuruza byanafasha gukirigita ifaranga mu gihe gito dore ko ari ikinyobwa gishya kandi mu by’ukuri gifitiye akamaro ntashidikanywaho umubiri w’umuntu.

Mu buryo bworoshye by’umwihariko nko ku muntu washaka amahugurwa ku bintu bitandukanye byavuzwe, HORAH GROUP LTD wabasanga mu karere ka Musanze imbere ya Hoteli Urumuri ku muhanda uva muri Gare werekeza ku isoko rishya, mu gihe I Rubavu naho wabasanga ku muhanda ujya kuri Petite Barriere, imbere y’urukiko rw’ibanze kuko ariho uruganda ruherereye, uhageze uhita ubona icyapa kinini cyane cy’urwo ruganda, HORAH GROUP LTD kandi ushobora no kubabona kuri Telefoni igendanwa ariyo 0783607039/0788251403.

PNG - 1.4 Mb
Musabyimana Jean Claude, umuyobozi wa HORAH GROUP LTD ubwo yaganiraga n’umunyamakuru w’umubavu.com

@Umubavu.com





Tanga igitekerezo kuri iyi nkuru



Igitekerezo
Munana Kuya 21-09-2019

Mungire inama pe,ndi umugabo mbyaye 3 mfitte imyaka 38 ntuye i musanze,ariko sinkikunda gutera akabariro mbikora nka 2 mu cyumeru,nkora akazi ko mu biro nkora ahantu muri koperative ndi umubitsi,nkora sport gake gashoboka,byaba biterwa numunaniro cyangwa abageze mwiyo myaka ni uko byakabaye,nkora tubiri mu cyumeru kandi sinshobora gukora tubiri ku munsi umwe.Murakoze nkeneye inama zanyu

Nzabandora Daniel Kuya 9-05-2019

Umwenya ni ikinyobwa CYIZA ariko hari ubwo usanga uko wari ejo wahindutse.biterwa n’iki ko utamera kimwe iminsi yose? Thank u

MUNEZA ARCADE Kuya 14-02-2019

Bavandi nukuri umwenya n’icyatsi kivura indwara nka: agatuza,inkorora,ifumbi,..............Tuzakomeza kwinywera iki kinyobwa.ngewe mbarizwa Gashonga sector,Rusayo cell,Kamuhana village. tel 0781514469