Hill Top Hotel&Country Club ni Hoteli iherereye I Remera aho bakunze kwita mu Giporoso urenze Feux-Rouges nka Metero 100 werekeza ku kibuga cy’indege mpuzamahanga cya Kigali kiri I Kanombe.

Ni Hoteli y’inyenyeri eshatu, ifite serivisi zitandukanye zirimo ibyumba byo kuraramo, igira Resitora eshatu, igira ibyumba by’inama binogera benshi kuko byujuje ibyangombwa byose kugira ngo haberemo inama.

Hill Top Hotel&Country Club kandi ifasha abantu bashaka serivisi zijyanye na siporo kuko ifite Swimming Pool, Sauna, Gym ndetse na Massage.

Umwihariko wa Hill Top Hotel&Country Club ni uko ifite ibyumba bigera kuri 12 bitandukanye by’inama byujuje ibikoresho byose birimo na Interineti yihuta itagenda nk’akanyamasyo.

Umwihariko wa serivisi zitangirwa muri Hill Top Hotel&Country Club, utuma iyo uhageze uhasanga urujya n’uruza rw’abantu (b’abakiriya) baje bashaka izi serivisi dore ko nta handi wapfa kuzisanga.

Muri iyi minsi isi yose yerekeje amaso mu gihugu cya Misiri mu mikino y’Igikombe cya Afurika, Hill Top Hotel&Country Club nayo ntiyakwibagiwe kuko yaguteguriye Bare (Bar) yiswe ’Akagera Bar’ aho uza ugafata icyo kurya n’icyo kunywa bimeze neza ariko by’umwihariko umeze nk’ubifatira mu Misiri kubera uburyo uba wirebera umupira kuri za Televiziyo zisobanutse.

Mu kiganiro yagiranye n’UMUBAVU, Tuyishimire Innocent ushinzwe kumenyekanisha ibikorwa na serivisi bya Hill Top Hotel&Country Club yavuye imuzi n’imuzingo Serivisi zitangwa n’iyi Hoteli n’umwihariko wayo watuma umuntu ayihitamo arenze amahoteli menshi abarizwa mu mujyi wa Kigali.

Iyumvire muri Video byinshi byatuma urenza ingohe amahoteli yo muri Kigali, ukihitiramo Hill Top Hotel&Country Club:

@Umubavu.com

---

---