Niba mwujuje ibi bintu mu rukundo, muzatandukanywa n’urupfu gusa

Burya mu buzima bw’umuntu nkuko byemezwa n’abantu batandukanye, nta kintu gishimisha mu buzima nko gukunda ugakundwa. Iyo umuntu afite umuntu umukunda nawe akamukunda nta buryarya burimo buri wese ahora yumva afite ibinezaneza muri we. Gusa ikigoye ni ukumenya niba koko umukunzi wawe agukunda n’umutima we wose.

Niba uri mu rukundo n’umuntu ukaba ujya wibonaho ibi bimenyetso tugiye kukugezaho nta gushidikanya ko uwo muntu umukunda ndetse ko wifuza ko aguhora hafi mu buzima bwawe.

1. Iyo muhuye ntimwifuza gutandukana

Iyo umuntu ari kumwe n’uwo akunda aba yumva bahorana kuko umwe aba asa nufite rukuruzi idatuma umwe aba kure y’undi kuko n’iyo mutandukanye umwe akomeza gutekereza undi bigasa n’aho mukiri kumwe

2. Iyo muhuje amaso wumva uhindutse

Abantu bakundana iyo bahuje amaso ntibiborohera kuko bombi bahita bumva hari igihindutse mu mubiri kandi bakumva bafite n ‘isoni zo kurebana kuburyo badashobora kumara umwanya urenze umunota umwe barebana ijisho ku rindi.

3. Kumwumva vuba

Umuntu ukunda yita cyane ku byo umukunzi we amubwira kandi akamwumvira muri byose ndetse hakaba n’ibyo yirengagiza by’inyungu ze bwite akitangira umukunzi we.

4. Kumva ntacyo mwahishanya

Abakundana, buri wese aba yumva ntacyo yakwihererana atakibwiye undi kandi umwe akunganira undi muri byose,kugira ngo habeho ubwuzuzanye ku mpande zombi kandi haba mu byishimo cyangwa mu mubabaro umwe akumva ari ngombwa ko mugenzi we abimenya.

5. Kuza mu bitekerezo kenshi

Umuntu ukunda by’ukuri aguhora mu bitekerezo kenshi ndetse wagerageza no kubyirengagiza bikanga,ugasanga ukunda no kumwikanga aho uri hose.

6. Kubitsanya amabanga

Kubitsanya amabanga ku bantu bakundana ni ikimenyetso cy’uko mukundana by’ukuri kuko icyo utabasha kubwira undi muntu uwo ari we wese udatinya kukibwira umukunzi kandi nawe akakubikira iryo banga .

7. Kuratira abandi umukunzi wawe

Kubwira buri wese ko ufite umukunzi kandi ukunda ntibitera isoni ariko iyo urukundo rurimo uburyarya umwe nta n’ubwo yemera ko afite inshuti kabone n’ubwo abandi bantu baba babizi ndetse babibona.

8. Kumubonamo ejo hazaza heza

Akenshi abantu bakundana bya nyabyo,buri wese aba atekereza uko ejo habo hazaba hameze bari kumwe kandi akumva ko ari ikintu cyiza cyane kandi gishimishije
Niba ujya ubona muri ibi bimenyetso byose nta na kimwe kirangwa mu rukundo rwanyu wikiha amahirwe ko mukundana by’ukuri kuko urukundo rurenze ibyo abantu babwirana mu magambo.

Alice UMWALI/Umubavu.com





Tanga igitekerezo kuri iyi nkuru



Igitekerezo
nsengimana Lamazani Kuya 9-12-2017

mwakundanyemubamwakundanye,kandiwakunz’ubawakunze.Ntampamvuyogut’umwanya,umunt’umubwirangubuziraherezokandi atamugamb’umufitiye.