Ibintu bishobora gutuma umugore ahurwa gutera akabariro bitewe n’umugabo

Nkuko bidasiba kugarukwaho, igikorwa cy’imibonano mpuzabitsina hagati y’abashakanye, ni ingenzi kandi ni na ngombwa kuko ari imwe mu nkingi za mwambo z’urugo, rimwe na rimwe iki gikorwa gishobora kuzambywa n’umwe bikaba byatera undi kugihurwa.

Birashoboka ko umugabo ashobora gutuma umugore we ahurwa imibonano mpuzabitsina bitewe n’impamvu nyinshi zitandukanye Umubavu.com tugiye kukugezaho.

1. Kurangiza vuba

Umugabo urangiza vuba, ashobora gutuma umugore we ahurwa imibonano mpuzabitsina, kuko niba arangiza mu munota umwe kandi aribwo umugore atangiye kumva uburyohe, bigeraho akazajya yumva ko uje kumuteza ibibazo, akayihurwa burundu.

2. Kutamutegura

Hari abagabo bataha amajoro, akaza ahita arongora umugore, icyo gihe ashobora kumukomeretsa cyangwa se akamubabaza, nta rukundo abibonamo, umugore abifata nko kumufata ku ngufu kandi koko uba umuhohoteye, buhoro buhoro, agera ku rwego umukoraho aho kumva yishimye ahubwo akumva aribwa, agahurwa.

3. Kumucyurira

Hari abagabo batita ku magambo babwira abagore babo, akaba yamwita ‘Mukagatare’ bitewe n’uko wenda atazana amavangingo, cyangwa akaba agira ububobere buke, cyangwa akamugaya amugereranya n’abandi bagore baryamanye, icyo gihe umugore acika intege, akumva adakeneye umugabo, kuko aba yumva ko agiye kubabarizwa umutima.

4. Inzara

Kirazira, kandi ni ikosa, mugabo uzirinde kwihutira gutera akabariro umugore wawe ashonje, ese niba uzi ko utahashye ngo umugore arye ahage, yishime,…. urumva umushakaho iki, Urumva uzamurongora akishima? Mbere na mbere buriya kubanza gukemura utubazo tuba turi mu rugo biba byiza, kuko iyo umwe adatuje, igikorwa kigenda nabi.

5. Aho mutuye

Abagore buri gihe baba bashaka gukorera imibonano ahantu hatuje, ku buryo nta muntu wumva ibyo murimo cyangwa ngo ababone, ibi rero hari igihe umugabo atabiha agaciro, niba igikorwa kibaye, yasohoka agasanga abana barimo kubivuga cyangwa abandi bantu babigize ikiganiro, ibi bishobora kumuca intege, agahurwa burundu.

Aha kandi bijya gusa no kuba mwagera mu buriri akabona wigiriye kuri telefone, kuri facebook, watsapp,… igihe cyose akabona utamuha akanya, bimutera umutima mubi, akumva ahuzwe, rimwe na rimwe akaba yaguca inyuma.

Alice UMWALI/Umubavu.com





Tanga igitekerezo kuri iyi nkuru



Igitekerezo
Havugimana viateur Kuya 10-02-2018

Izi nama mutanga ni nziza kandi zirasobanutse.

Havugimana viateur Kuya 10-02-2018

Izi nama mutanga ni nziza kandi zirasobanutse.

Havugimana viateur Kuya 10-02-2018

Izi nama mutanga ni nziza kandi zirasobanutse.

Denis Kuya 9-02-2018

Murakoze kutugira inama