Ibintu 10 by’ingenzi byagufasha gutsinda ikizamini cy’akazi cya Interview

Ikizamini cyo mu buryo bw’ikiganiro kizwi nka “Interview” ni kimwe mu bintu bibuza abantu amahirwe yo gutsindira imyanya itandukanye y’akazi ndetse abandi kikababuza kubona amashuri ndeste n’ayandi mahirwe atandukanye mu buzima bwabo bwa buri munsi, hari bimwe mu bintu ushobora kwitaho mbere yo gukora interview bikaba byagufasha gucakira amahirwe akuri imbere mu biganza byawe ku buryo butakugoye.

Ibi ni bimwe mu bintu by’ingenzi uzitaho bikagufasha gutsinda neza ikizamini cya interview.

1. Gushaka amakuru

Gukusanya amakuru yose yerekeye aho ugiye gukorera interview ni kimwe mu bigomba kwitabwaho. Niba ari akazi, ugomba gushaka amakuru yerekeranye n’ikigo cg company ushaka gukorera intego zabo icyerekezo ndetse niba ari ishuri ugomba kumenya icyo rishyira imbere (Priority).

2. Kureba ibibazo bikunze kubazwa

Irindi banga ukwiriye kumenya ni kwiga ku bibazo bikunzwe kubazwa unashaka-shaka uburyo uzabazwamo niba uzabazwa n’abantu benshi cyangwa umwe ibi bizagufasha kumenya uko usubiza nta bwoba ufite.

3. Kwambara Neza

Iki ni kimwe mu bintu abantu batitaho nyamara bivuze byinshi kuko uko wambaye aribyo biha ishusho ugiye kukubaza dore ko akenshi aba atanakuzi. Ugomba kwambara bijyanye n’akazi ugiye gusaba. Ikindi kandi kwambara imitako myinshi si byiza nk’ama chainette, udukomo, amaherana ugoma kwirinda kunywa itabi cg kurya ntiwisukure mu kanwa.

4. Kubahiriza Igihe

Kuhagera byibura mbereho y’iminota 15 bigufasha gutuza ugatangira interview nta gitutu ufite kandi utabira ibyuya. Nta mpamvu nimwe uba ufite iyo watinze kuhagera, ikindi kandi ibuka ko ugomba gutegura ibintu byawe kare ikindi cyo kwibuka ni ukuzimya telephone cyangwa ukayishyira muri silent ndetse niba waruri kurya chicalette ukayijugunya mbere yo kwinjira ahabera interview.

5. Gutangira neza mu kinyabupfura

Mu gihe ugiye gutangira ugomba gusuhuza buri wese uraho werekana ko bose wabubashye kandi ugomba guhagarara neza umwenyura kandi wabashyizeho ijisho ukirinda kuvuga ureba hejuru cyangwa hari ikindi kintu ureba kuko byerekana ko utiteguye.

6. Kwigirira Icyizere

Uburyo uvuga wifitiye icyizere byerekana ko ubushobozi ufite mu gusobanura ibintu ku buryo bwumvikana ukirinda kugendagenda mu gihe uri kuvuga cg kuvuga byinshi wihuta ahubwo uvuga neza utuje kandi ureba abo ubwira mu gihe ubajijwe ugasubiza bike ntibirambirane kandi urasa ku ngingo.

7. Gukoresha ibimenyetso (Body Languages)

Body language cyangwa uburyo wifatamo ni kimwe mu bintu by’ingenzi byo kwitabwaho. Iyo uvuga hari uburyo ibice byawe by’umubiri uba ubitwara nk’amaso, intoki, amaguru bishobora kukubuza amahirwe mu gihe witwara nkurimo kubeshya ureba hasi, urya chicalette, wikora mu maso, mu mutwe n’ibindi….

8. Kubaza ibibazo bisobanutse

Muri interview zimwe na zimwe, bakubaza niba nta bibazo ufite, aha rero niho abenshi banyurizwa mo ijisho kuko abenshi mu babazwa, nta benshi nta na kimwe bajya babaza. Ariko baba birengagije ko mu gihe ubaza aribyo biba byerekana ko wakoze ubushakashatsi aho ugiye gukoresherezwa interview. Ibuka kubaza bikeya kandi birasa ku ntego.

9. Kwerekana icyo ushoboye

Kimwe mu byo ukwiriye kwibuka nuko Interview ariyo yerekana aho utandukaniye n’abandi. Aha rero ugomba kwerekana ko ari wowe ukwiriye akazi kuko uboneraho kwerekana ubushobozi bwawe n’inyungu uteganya kuzana aho uri gusaba akazi.

10.Gushimira mu gihe Interview irangiye

Mu gihe urangije interview ibuka gushimira buri wese waruri muri icyo cyumba kuko byerekana agaciro wabahaye n’ubunyamwuga ufite, ushobora no kubicisha mu zindi nzira nka: e-mail, ubutumwa bugufi (sms), ….
Ibuka ko atari byiza kwimenyereza bamwe mu bagukoresheje interview, nko kubahamagara inshuro nyinshi n’ibindi byatuma utagaragara neza.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo