Umusaza uba mu muferege w’amazi nyuma yo gutereranwa n’umuryango we akomeje kubabaza benshi

Amafoto agaragaza ubuzima busharira umusaza yiberamo nyuma yo gutereranwa n’umuryango we akomeje gutera benshi intimba n’agahinda byatumye bamutabariza hirya no hino ku isi kugira ngo abone ubufasha bwamukura mu buzima abayemo.

Nyuma yuko amafoto y’uyu musaza uba mu ruhombo rw’amazi agaragaye ku mbuga nkoranyambaga by’umwihariko kuri Facebook, byatumye bahita bashinga itsinda ryo kumushakira ubufasha mu buryo bwihuse.

Uyu musaza witwa Victoriano Mansano ukomoka mu mugi wa Kidapawan muri Philipine, yatawe n’umuryango we ubwo yari ageze mu za bukuru ahitamo kujya kuba mu muferege ucamo amazi, byatumye benshi bababazwa n’imibereho ye bamusabira ubufasha.

Uyu musaza yafashe uru ruhombo arujyana mu ishyamba hafi y’ishuri ryo muri uyu mugi kugira ngo abashe kubona uburyo asabiriza dore ko ari nabyo bimutunze.

Abagira neza batangiye gushinga amatsinda yo gufasha uyu mugabo uri mu buzima bubabaje bwo gutereranwa n’umuryango we.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo