Umukobwa atwite atararyamanye n’umugabo kandi yifuza kuzipfira akiri isugi

Ni umukobwa witwa Lauren wo mu gihugu cya Canada ugejeje mu kigero cy’imyaka 29 ataratekereza kuryamana n’abagabo mu ntumbero yo kuzapfa akiri isugi byanatumye afata icyemezo cyo kubyara atewe intanga n’abaganga kugira ngo adatakaza ubusugi bwe dore ko ahamya ko nta mugabo yigeze kuryamana nawe kugeza ubu.

Uyu mukobwa utarakorana imibonano mpuzabitsina na rimwe mu buzima bwe, ngo yifuzaga kubyara umwana abifashijwemo n’abaganga dore ko kuri ubu atwite inda y’amezi umunani.

Lauren ni umukobwa ukunda gusenga cyane bamwe bita ba nzakagendana, avuka mu Ntara ya Monitoba mu gihugu cya Canada. Magingo aya aratwite nubwo agihingutsa igitekerezo cy’uko ashaka umwana ababyeyi be, inshuti n’abavandimwe bamwamaganiye kure nkuko ikinyamakuru DailyMail cyabyanditse.

Lauren yabwiye Ikinyamakuru Magazine Vice ko yifuza gukomeza kuba isugi kugeza mu munsi wa nyuma w’ubuzima bwe ku Isi. Uyu mwari avuga ko ahora yigengesereye ari nako yirinda guhomberena n’umuhungu cyangwa umugabo ngo bitamubiramo gukora imibonano mpuzabitsina cyangwa inda ye atwite ikaba yavamo. Lauren ntakunda kurwaragurika gusa afite uburwayi bwa ‘panhypopituitarisme’ butuma umubiri we ukora imisemburo myibarukiro mike ibi bikaba byaratumye atinda kugera mu bihe by’uburumbuke.

Iyo nta kibazo umubiri ufite, umukobwa ajya mu gihe cy’uburumbuke aho ashobora kuba yasama hagati y’imyaka 12 na 16. Gusa hari aho biba ugasanga umwana w’umukobwa yagiye mu mihango agifite imyaka icyenda. Urugero ni umukobwa w’umuhinde watewe inda afite imyaka 10 gusa y’amavuko.

Lauren yabwiye itangazamakuru ko uburwayi bwa ‘panhypopituitarisme’ bwatumye atinda kubona imihango dore ko ari cyo kimenyetso ahanini cy’uko umukobwa yakuze ashobora kuba yabyara gusa ntabwo yavuze imyaka yari afite ubwo yibonaga mu mihango bwa mbere.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
-xxxx- Kuya 19-02-2018

this gire has open minded