Umugabo yacakaje umukobwa we amusambanya babyarana abana 8 bose

Dominique Bulacio w’imyaka 56 wo mu gihugu cya Argentine yahamwe n’ icyaha cyo gusambanya umukobwa we w’imyaka 22 inshuro nyinshi dore ko kugeza ubu bari bamaze kubyarana abana 8 bose.

Urukiko rwakatiye uyu mugabo igifungo cy’imyaka 12 n’amezi 8 nyuma yo guhamwa n’icyaha cyo kwigarurira umukobwa we amukoresha ubucakara bushingiye ku gitsina.

Uyu mukobwa yatanze ubuhamya avuga ko Ise yamuhinduye umucakara w’ubusambanyi akigeza ku myaka 7 y’amavuko, ubwo nyina yari akimara guta urugo.

Yongeye ati “Ntabwo yari njye gusa, ibyambayeho n’ abaturanyi babikorera abakobwa babo”, niko uyu mukobwa kuri ubu umaze kugera ku myaka 30 yabwiye ikinyamakuru journal El Liberal nyuma y’urubanza.

Bulacio yatawe muri yombi muri 2016, ubwo uyu mukobwa yabwiraga umuganga ibyamubayeho. Uyu mugabo nyuma yo gutabwa muri yombi yaratotse ahungira ku ivuko ry’ ababyeyi be mu mugi wa Loreto, azakongera afatirwa mu mugi wa Satiago.

Uyu mugabo mu rubanza rwe nta na rimwe yigeze agaragaza ko ababajwe cyangwa yicuza ibyo yakoze.

Ibizamini bya ADN byagaragaje ko abo bana uko ari umunani uyu mukobwa yababyaranye na se. Ubuyobozi bwategetse ko batandatu barererwa mu nzu yita ku bana abandi babiri nyina agakomeza kubarera.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo