U Bwongereza: Umwana yabujijwe gukoresha Telefoni nijoro ahita yiyahura

Umwana w’umuhungu witwa Keelan Groves w’imyaka 15 y’amavuko ukomoka mu mugi wa Fleetwood mu gihugu cy’u Bwongereza yasanzwe mu cyumba cye yiyahuye bitewe n’amategeko yari yarahawe n’ababyeyi be yo kubuzwa gukoresha Telefoni mu masaha ya nijoro bikamubabaza.

Uyu mwana wavuzaga ingoma mu gace k’iwabo mu Bwongereza, yazabiranyijwe n’uburakari ubwo ababyeyi be bamubwiraga ko agomba kubaha Telefoni mbere yo kuryama bakayimushyiriramo umuriro mu rwego rwo kumurinda kurangara nijoro ntasinzire nyamara we ahitamo kwimanika mu cyumba cye.
Papa w’uyu mwana yatangaje ko we na murumuna we bari bamaze imyaka 2 bubahiriza aya mabwiriza bari barabashyiriyeho yo kubasigira Telefoni mu gihe bagiye kuryama gusa uyu Groves yatangiye kuyica ndetse akagera saa yine z’ijoro agikoresha Telefoni bikaba ngombwa ko bamwibutsa byatumye ahitamo kwiyahura.

PNG - 1 Mb
Keelan Groves wahisemo kwiyambura ubuzima ngo kuko ababyei be bamubujije kujya akoresha Telefoni nijoro


Uyu mwana yimanitse mu Cyumweru gishize nyuma y’aho mama we yamusabye Telefoni ubwo yari agiye kuryama akamubeshya ko yayisize ku ishuri bikarangira yemeye ko yamubeshye ndetse akamusaba imbabazi nkuko Daily Mail yanditse iyi nkuru ibitangaza.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo