Oscar Pistorius wivuganye umukunzi we ku munsi w’abakundana, yongerewe igihano mu bujurire

Urukiko rw’ubujurire rwo muri Afrika y’Epfo rwakatiye Oscar Pistorius gufungwa imyaka 13 n’amezi atanu kubera kwivugana umukunzi we Reeva Steenkamp avuga ko yamwitiranyijwe n’umujura.

Abacamanza bavuze ko imyaka itandatu y’igifungo Oscar Pistorius yari yakatiwe ari igihano gito cyane ndetse giteye isoni ugereranyije n’icyaha yakoze cyo kwivugana umukunzi we Reeva Steenkamp wari rurangiranwa mu kuba umunyamideli amurashe. Oscar Pistorius yishe umukunzi we amurashe ku munsi w’abakundana uzwi nka "Saint Valentin".

PNG - 780.4 kb
Oscar Pistorius wivuganye umukunzi we mu mwaka wa 2013
PNG - 496.5 kb
Reeva Steenkamp wishwe na Oscar Pistorius wari umukunzi we


Umuvugizi w’umuryango wa Steenkamp yavuze ko urwo rubanza rwagombaga kugaragaza niba koko niba urupfu rw’umwana wabo rwarabonye ubutabera buboneye.
Pistorius yavuze ko yishe Steenkamp ku munsi mukuru w’abakundana mu mwaka 2013 amwitiranije n’umujura.

Urukiko rw’ubujurire rw’I Bloemfontein rwamusabiye igifungo cy’imyaka yenda kugera kuri 15 kuri ubu bwicanyi yakoze muri Afrika y’Epfo ukuyemo igihe yari amaze afunzwe.

Urukiko rw’ibanze rwari rwaciye urubanza rwa mbere rwasobanuye ko rwari rwamukatiye gufungwa imyaka 6 rugendeye ko yemeraga icyaha yakoze icyemezo urukiko rukuru rwateye utwatsi ruvuga ko hagendewe ku cyaha yakoze iki gihano cyaba giteye isoni. Oscar Pistorius yakatiwe iki gifungo atari mu rukiko ku mpamvu itatangajwe.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo