New Zealand: Uwari impunzi n’umukozi w’isuku yabaye umudepite

Umunya-Eritrea wari impunzi yabaye umudepite wa mbere muri New Zeland uva muri Africa nyuma y’uko ishyaka ry’abakozi ribonye itsinzi ikomeye mu matora kuva mu myaka 50 ishize.

Ibrahim Omer ubu ni umudepite kuko uri ku mwanya wa 42 ku rutonde rw’iri shyaka.

Iri shyaka rya Minisitiri w’Intebe Madamu Jacinda Ardern, mu matora yabaye ku wa Gatandatu ryatsindiye imyaka 64 ituma na Bwana Ibrahim yinjira mu nteko nka depite.

Mu kwiyamamaza, Bwana Ibrahim yavugaga ko ashaka "kurwanira abantu bari mu byo yanyuzemo ngo babone amahirwe y’ubuzima bwiza".

Yahuze Eritrea mu 2003 ajya mu nkambi mu gihugu cya Sudan.

Nyuma yimuriwe muri Nouvelle-Zélande aho yakoze nk’umukozi w’isuku muri Kaminuza ya Victoria.

Yaje kwiga muri iyo kaminuza anahakora nk’ureberera bagenzi be bakora isuku, aba ari naho yinjirira muri politiki.

Bwana Ibrahim avuga ko itsinzi ye ari "iy’abakozi bahembwa macye" n’"abahoze ari impunzi".


Ibrahim w’ikigeor cy’imyaka 40 yinjiye muri politiki ari umukozi ushinzwe isuku

Mushiki wa Ben Rutabana agize icyo amuvugaho hamwe na Adeline Rwigara ndetse na Diane Rwigara:





Tanga igitekerezo kuri iyi nkuru



Igitekerezo