Bagdad : 31 baguye mu bitero by’ubwiyahuzi abandi benshi barakomereka

Mu gihugu cya Irak mu murwa mukuru I Bagdad, ibitero 2 by’ubwiyahuzi byabaye kuri uyu wa mbere tariki ya 15 Mutarama 2018, bimaze guhitana abantu bagera kuri 31, abandi 94 bakaba bakomeretse.

Ibi bitero uko ari 2 byagabwe mu mujyi rwagati I Bagdad bibaye ku nshuro ya kabiri muri uyu mujyi mu gihe kitarenze iminsi 3.

Jenerali Saad Maan umuvugizi w’umuyobozi w’ibikorwa bya gisirikare yatangaje kuri uyu wa mbere tariki ya 15 ko ibi bitero uko ari 2 byabereye ahitwa al-Tayaran maze igisirikare n’igipolisi bakihutira gutabara.

Amakuru dukesha radio mpuzamahanga y’Abafaransa aravuga ko uyu mu jenerali yongeyeho ko abantu 31 bahise bapfa abandi bagera kuri 94 bagakomereka.





Tanga igitekerezo kuri iyi nkuru



Igitekerezo