Abantu bagera kuri 45 bashimuswe muri Nigeria

Amakuru ava muri Nigeria aravuga ko abantu bagera kuri mirongo ine n’abatanu bashimuswe n’abagabo bitwaje imbunda muri leta ya Kaduna iri mu majyaruguru y’uburengerazuba bw’icyo gihugu.

Mu bashimuswe harimo abagore n’abana nkuko bitangazwa ubuyobozi bwa leta ya Kaduna.

Bafashwe mu gihe bari mu muhanda mukuru uhuza amajyaruguru ya Nigeria n’amajyepfo.

Abatuye muri ako karere bavuga ko abagabo bitwaje imbunda bahagaritse imodoka maze bashorera abagenzi barimo baberekeza mu bihuru mu karere ka Birnin Gwari.

Abarwanyi ba Boko Haram nibo bakunze guhungabanya umutekano mu majyaruguru ya Nigeria.

Vuba aha, ibikorwa byo gushimuta abantu byariyongereye kandi iri shimuta rishya ry’abagenzi ryabaye mu gihe igipolisi cyavugaga ko kirimo gushakisha umugore n’abana batandatu b’umunyapolitiki wo muri ako gace bashimutiwe muri leta ya Zamfara kuwa kabiri.

Abarenga 10 bishwe Boko Haram igwana n’igisirikare muri Nigeria
Abantu 80 banyurujwe n’abitwaje ibigwanisho muri Nigeria
Abitwaje ibirwanisho bishe abantu baturira amazu muri Nigeria
Mu cyumweru gishize byatangajwe ko abantu barenga mirongo inani bashimuswe muri ako karere.

Abaturage barinuba bavuga ko abategetsi ba Nigeria batigeze bohereza - nkuko bari barabisezeranije - abasirikare muri ako gace bo guhashya ibitero by’amabandi yitwaje imbunda.





Tanga igitekerezo kuri iyi nkuru



Igitekerezo