Kenya: Umugabo akurikiranyweho kuruma igitsina cy’umwana we

Umugabo witwa Salim Mwaluma Chongo w’imyaka 23 y’amavuko utuye ahitwa Mwingoni/Voi mu gihugu cya Kenya, akurikiranweho icyaha cyo kuruma igitsina cy’umwana w’amezi ane yibyariye.

Uyu mugabo yagejejwe imbere y’urukiko rwa Voi kuri uyu wa 16 Ukwakira kugira ngo aburanishwe kuri iki cyaha bivugwa ko yakoze ku wa 13 Ukwakira.

Imbere y’urukiko uyu mugabo, yahakanye ibyo aregwa gusa yaje kurekurwa by’agateganyo atanze ingwate y’amafaranga angana n’ibihumbi 20 by’amashilingi ya Kenya.

The Citizen TV yanditse iyi nkuru, ivuga ko iki cyaha cyakozwe ubwo uyu mugabo yari yasigiwe uyu mwana w’umuhungu n’umugore we.

Ngo yasanze umwana yarumwe igitsina (gabo), ukuguru kw’iburyo ndetse n’umunwa gusa impamvu yabimuteye ntabwo iramenyekana.

Ku gitsina cy’uyu mwana ubu urikwitabwaho n’abaganga, bivugwa ko hakomeretse cyane.

Salim Mwaluma azasubira imbere y’urukiko mu mpera z’uku kwezi k’Ukwakira kugira ngo hamenyekane icyamuteye gukora iri shyano.





Tanga igitekerezo kuri iyi nkuru



Igitekerezo