Yasambanyije umwana we w’amezi atatu gusa bimuviramo gupfa

Umugabo witwa Paul Worthington wo mu gihugu cy’u Bwongereza, yihekuye asambanya umwana witwa Poppi Worthington amufashwe ku ngufu aho yamusanze mu cyumba cye aho yari aryamye maze bimuviramo gupfa nyuma yo kuvunika akaguru ndetse no kuva amaraso menshi. Kuri ubu, uyu mugabo akurikiranweho gufata umwana we ku ngufu nyuma yo kureba filim z’urukozasoni.

NkuKo ikinyamakuru Dailmail dukesha iyi nkuru cyabyanditse, uyu mwana yitabye Imana mu mwaka wa 2012 nyuma yo gufatwa ku ngufu nk’uko muganga Armour yabyemeje mu rukiko ku munsi w’ejo taliki ya 4/12/2017 aho harimo kumvwa ubuhamya ku rupfu rw’uyu mwana ngo hamenyekane impamo ku cyaruteye.

Dr Armour yabwiye urukiko ko nta kindi kintu na kimwe yabonye mu bizamini yakoze cyaba cyarateye urupfu rw’uyu mwana.

Yagize ati : "Mu buryo bwose, kuko njye nabibonye nta kindi kintu na kimwe gishobora gutera ibikomere uriya mwana yari afite atari igitsina cy’umugabo cyangwa se igisa nacyo.... Ibyo nabashije kubona ni uko habayeho kwinjizwa kw’igitsina gabo mu gitsina cy’uyu mwana akaba ari byo byamuviriyemo urupfu."

Uyu muganga yongeyeho ko uyu mwana yababaye cyane nyuma yo gukomereka bikabije ndetse no kuvunika akaguru.

Bwana Justice Peter Jackson na we yari yabwiye urukiko ko uru ruhinja rwafashwe ku ngufu mbere yo gushiramo umwuka bitunguranye kandi ko nta wundi muntu waba warakoze iri bara atari se umubyara.

Bwana Worthington se wa Poppi yari yaketsweho gusambanya umwana we w’amezi 13 nyuma gato y’urupfu rwe mu mwaka wa 2012 gusa aza kwivana mu maboko ya Polisi.

Uyu mugabo urimo guhatwa ibibazo ashobora guhamwa n’iki cyaha cyane cyane ko hari uturemangingo tw’uyu mwana Poppi(DNA) twasanzwe ku bihimba bye by’irondoka nyuma gato y’uko uyu mwana yitabye Imana.

Umugore wa Worthington yavuze ko ubwo ibi byabaga we yari aryamye mu nzu yo hasi hanyuma akumva umwana arimo gutaka, ako kanya akabona umugabo we aramanutse gushaka ibyo kubinda umwana, mu kanya gato yahise agaruka ateruye Poppi asa n’uwapfuye ataka amusaba guhamagara imbangukiragutabara.

Ubwo uyu mugabo yabazwaga ukuntu DNA za Poppi zageze ku gitsina cye yavuze ko yari yakojeje intoki ze mu kanwa ka Poppi ubwo yamutabaraga nyuma akaza kujya mu bwiherero akaba ari akeka ko zagiriyeho.

Urukiko rw’umuryango rwari rwanzuye ko Worthington yasambanyije Poppi gusa biza kurangira adafunzwe kubera ankete yakozwe na Polisi yo muri iki gihugu.

Igiteye inkeke ni uko ibimenyetso byose byari byagendeweho bahamya uyu mugabo ibyaha harimo imyenda ya Poppi, ibyo yari abindishije(nappies) ndetse na mudasobwa Worthington yarimo areberaho filimi z’urukozasoni byose byarabuze.

Uru rubanza rwatangiye mu cyumweru gishize biteganyijwe ko kumva abatangabuhamya bizarangira mu gitondo cyo kuwa 12 Ukuboza 2107.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
bb Kuya 6-12-2017

bjr,none se nabo mu kihe gihugu ?