Wari uzi ko abana bavutse ari impanga bashobora gutandukanya ba se bababyara?

Ibi nibyo byabaye ku bavandimwe bo mu gihugu cya Uganda basangiye umugore nyuma abyara abana babiri b’impanga ku munsi umwe nyuma baza gufatana mu mashati buri wese yiyita ise w’aba bana nyamara birangira bakijijwe n’ibizamini bya ADN byaje kwerekanye ko izi mpanga zitabyawe gusa n’umwe muri bo.

Learn how to Thrive

Byabaye nk’igitangaza kumva ko abana b’impanga bavukiye umunsi umwe ku mubyeyi umwe badahuje ba se bababyara, ibintu bitamenyerewe ku isi ya Rurema.

Ibi byose byatangiye aba bagabo b’abavandimwe bo muri Uganda ariko baba mu duce dutandukanye two mu gihugu cya Uganda buri wese yiyitirira izi mpanga ashingiye ku gihe yaryamaniyeho n’umugore wazibyaye.

PNG - 359.5 kb
Umubyeyi ashobora gutwita ndetse akibaruka impanga zitandukanyije ba se bazibyara mu gihe bombi yakoranye nabo imibonano mpuzabitsina mu gihe kimwe kandi cy’uburumbuke


Aba bavandimwe ni Joseph Baseka Sengendo w’imyaka 25 y’amavuko uba mu gace ka Nakirebe gaherereye mu Karere ka Mpigi n’umuvandimwe we bataba hamwe ariwe Patrick Ssegane w’imyaka 30 y’amavuko we wibera mu gace ka Nakasozi kabarizwa mu Karere ka Buddo Wakiso.

Ubusanzwe ibizamini bya ADN nibyo byonyine bishobora kurangiza ikibazo cy’abashwana biyitirira abana batari ababo cyangwa ari n’ababo.

Abahanga mu buzima bagaragaje ko bishoboka ko abana bashobora kuvuka ari impanga ku munsi umwe ndetse babyawe n’umubyeyi umwe ariko bagatandukanya ba se bababyara ikintu kidasanzwe ku isi.

PNG - 385.2 kb
Ni ikintu gitangaje kumva ko impanga zavukiye rimwe ndetse ku mubyeyi umwe zitandukanyije ba se bazibyara


Ibi nibyo byagaragaye ubwo hapimwaga abana babiri bavutse ari impanga aribo Immaculate Babirye na Leticia Nakato babyawe n’umugore witwa Rashida Nakabugo wari waryamanye n’abagabo babiri b’abavandimwe aribo Ssegane na Ssengendo bateranye mu mitwe buri wese avuga ko aba bana aria be ariko ibizamini bikarangira bishyize ukuri ahabona, ukuri kutavugwaho rumwe na bamwe bavuga ko bidashoboka.

PNG - 811 kb
Iyi foto igaragaza Ssegane (ibumoso), Rashida Nakabugo (nyina w’izi mpanga) na Ssengendo ubwo bari bategereje kugezwaho ibisubizo by’ibizamini bya AND ngo bamenye neza nyiri aba bana b’impanga


Newvision dukesha iyi nkuru baravuga ko uyu mugore wabyaye izi mpanga (Nakabugo)ari uwa Ssengendo ariko akaba yaragiye akururana n’umuvandimwe we Ssegane byatumye nyuma y’ivuka ry’izi mpanga bombi baterana mu mitwe buri wese yiyitirira ko ariwe ise wazo.

Ssengendo avuga ko nyuma y’amezi atatu izi mpanga zikimara kuvuka, umugore we yahise azimusigana akigendera akamuburira irengero nyuma akaza kumva ko yibanira n’umuvandimwe we Ssegane.

Ssegane we avuga ko icyamuteye kubana n’umugore wa mukuru we ari uko yari yamubwiye ko yatandukanye nawe byanatumye atangira gutekereza ku bana yabyaye kuko yari azi ko basanzwe baryamana ku ibanga aribwo yafashe icyemezo cyo gushaka uburyo hamenyekana ukuri kuri nyiri abana cyane ko bari bamaze no gukura.

Dr. Nelson Mwesige ukora kuri Health Viber diagnostics centre yavuze ko ibizamini bya ADN by’izi mpanga byakorewe mu bitaro by’ahitwa Ohio muri Amerika. Yavuze kandi ko Ssegane ariwe wamwegereye bwa mbere ashaka kumenya nyiri aba bana birangira ibizamini bimugaragarije ko umwana we ari Babirye mu gihe Nakato yabaye uwa Sengendo.

Nyuma y’ibi bizamini Ssegane utaranyuzwe nabyo yagize ati “ntibisobanutse, nibazane nyina w’abana atubwire niba koko bombi ariwe wababyaye tubone kwemeza neza ibi”.

Dr. Mwesige yasabye ko bazana na Ssengendo nawe wemezaga ko impanga ari ize nawe agapimwa birangira nawe byerekanye ko umwana we ari Nakato. Aba bagabo bombi bari bahamagajwe kwa muganga kugira ngo bapimwe haveho urwikekwe hagati yabo bamenye nyiri abana.

Nyuma yuko aba bagabo bashize amagene, bahise batahana n’umubyeyi wabo Robinah Namusisi agenda abahugura anabagira inama ko batagakwiye kuryana kandi ari abavandimwe.

Nubwo aba bombi bagirwaga inama n’umubyeyi wabo nyuma yo kumenya ukuri, nyamara Ssengendo we yagendaga atabyumva avuga ko bidashoboka ndetse bitanabaho ko impanga zishobora kugira ba se babiri batandukanye.

Mu magambo ye Ssengendo abwira umuvandimwe we yagize ati “ sinshaka kugutesha igihe cyawe, n’uriya mwana wiswe ko ariwe wange ndamuguhaye”.

Ibi byose byarangiye hanzuwe ko Ssegane wazanye igitekerezo cyo gupimisha ADN ngo hamenyekane ise w’abana ariwe ugomba kurera aba bana bombi gusa mama wabo nawe agashaka amasezerano yanditse ko abyemeye kuzabitaho uko bigomba ndetse nawe atamuretse kugeza bakuze uwa Ssengendo akabona kumusanga.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo