Umusore yarohamye yasohokeye ku mazi habura iminsi mike ngo arongore

Umusore witwa Steven Kizza wo mu gihugu cya Uganda yasohokanye n’inshuti ze mu rugendo rwari rwateguwe n’ikigo bakorera cyitwa Innovation for Poverty Action Uganda, birangira arohamye nyamara bagenzi be babonaga ari imikino arinda ashiramo umwuka.

Ubwo Steven Kizza na bagenzi be bakorana bari basohotse, bahisemo kujya kwishimisha ku isumo ry’amazi byaje kuviramo uyu musore wari ufite ubukwe mu kwezi kwa Kanama uyu mwaka kuhasiga ubuzima.

Ikinyamakuru Newvision cyo muri Uganda cyanditse iyi nkuru kivuga ko mbere y’uko Steven Kizza arohama yabanje kwifotoza yishimana na bagenzi be ariko ntibamenye ko aribwo bwa nyuma.

PNG - 849.9 ko
Kizza yabanje kwifotoza mbere yo kurohama


Yashyize amaguru mu mazi abwira bagenzi baramufotora bisanzwe amazi aza kumutwara bagenzi be bagira ngo ni ukwishimisha ariko baza kumenya ko yarohamye yamaze gushiramo umwuka.

Steven Kizza yitabye Imana yari asigaje amezi make ngo akore ubukwe yari afite muri Kanama dore ko imyiteguro yabwo bari bayigeze kure nyuma y’imihango yo gusaba no gukwa yari yabaye mu mwaka ushize mu kwezi kwa 12.

PNG - 746.6 ko
Iyi foto igaragaza Steven Kizza n’umukunzi we ubwo bakoraga imihango yo gusaba no gukwa mu kwezi kwa 12 k’umwaka ushize wa 2017


Kizza yize muri Royal University, akaba yari Umuyobozi wa NRM (ishyaka riri ku butegetsi muri Uganda) mu kigo ndetse akaba n’umuyobozi w’idini Gatolika aho.

PNG - 966.9 ko
Steven Kizza warohamye yasohokanye na bagenzi be bakorana


Umuhango wo gusezera kuri nyakwigendera Kizza wabaye ku munsi w’ejo tariki ya 20 Werurwe 2018 aho akomoka muri Kinoni ho muri Masaka mu gihugu cya Uganda.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Kanyoni Emmy Kuya 1er-04-2018

Ibibi n’ibyiza biragendana. Imana imwakire aruhukire mu mahoro cyane ko yanayikoreye aho yari ashinzwe idini gatolika mu kigo yakoragamo.
Uwo mukobwa atera umwaku pe.

Alice tuyishimire Kuya 22-03-2018

Ooh Imana imwakire mubayo

Nsabimana vincent Kuya 21-03-2018

Imana imwakire mubayo, aruhukire mumahoro. Kandi imana ikomeze umuryango we ndetse numukunzi weeee.

Nyiramahirwe clarisse Kuya 21-03-2018

Imana imwakire mubayo

nuiyokwizerwa jean eric Kuya 21-03-2018

imana imwakire mubayo RIP

-xxxx- Kuya 21-03-2018

Imana imwakire mubayo kandi nifurije umuryangowe kwihangana

muhawenimana pelagie Kuya 21-03-2018

olalaaa nibintu bitoroshye ark uwiteka amwakire natwe turimurugendo tuzagusangayo urugendo nirurangira nakihanganisha umuryango cyane cyanee uwarikuzamubera umufasha