Umunwa ubafasha kurya ntabwo ari uwo gukora imibonano mpuzabitsina-Perezida Museveni

Yoweli Kaguta Museveni, Perezida wa Uganda yatangaje ko yifuza guhagarika abakora imibonano mpuzabitsina yo mu kanwa ndetse yifuza ko Abanya-Uganda bacika kuri uyu muco mubi watiriwe mu bazungu.

Aganira n’itangazamakuru ku munsi w’ejo ku wa Kabiri tariki ya 17 Mata 2018, Perezida wa Repubulika ya Uganda, Nyakubahwa Yoweri Kaguta Museveni yaburiye abafite uyu muco mubi wo gusambanira ku minwa yabo kuwureka kuko byanabafasha kwirinda kwandura indwara zimwe na zimwe.

Perezida Museveni mu ijambo rye yagize ati “ reka mfate uyu mwanya mburire Abanya-Uganda kubera igikorwa kibi cyo gukorera imibonano mpuzabitsina yo ku kanwa batiriye ku banyamahanga. Umunwa ubafasha kurya ntabwo ari uwo gukora imibonano mpuzabitsina. Twese tuzi neza aho imibonano mpuzabitsina ikorerwa”.

Museveni avuze ibi mu gihe mu mwaka wa 2014 yasinye Itegeko ribuza ubutinganyi mu gihugu ayoboye cya Uganda nubwo yakomeje kotswa igitutu n’ibihugu by’ibihangange birimo U Bwongereza na Leta Zunze Ubumwe za Amerika.

Mu gusinya iri tegeko, Perezida Museveni yavuze ko atiyumvisha ukuntu umusore ashobora gukururwa n’umusore mugenzi we kimwe n’umukobwa ukururwa na mugenzi we mu gihe hari abo badahuje ibitsina bakagombye gukururwa nabo.

Bimwe mu bihano bigenewe umuntu wese wafatwa wo muri Uganda wahamwa n’icyaha cy’ubutinganyi harimo gufungwa ubuzima bwose ndetse no gucibwa amande.

Mu kuburira Abanya-Uganda kureka gusambanira ku minwa yabo, Museveni yagarutse ku butinganyi kuko ngo akenshi usanga byose bijyana aho usanga bikorwa n’’igitsina gore cyane.

Daniel MUKESHIMANA@Umubabu.com


Travel for Free!


Tanga igitekerezo kuri iyi nkuru



Igitekerezo