Umukobwa w’imyaka 26 y’amavuko yambikanye impeta na nyina w’imyaka 44

Ubusanzwe muri iki gihe twari tumenyereye kumva abantu bahuje ibitsina (bakunze kwitwa abatinganyi) bakundana ndetse urukundo rwabo bikarangira ruberekeje mu gushakana ariko noneho ibi byo ni agahomamunwa aho umukobwa witwa Lorita yahisemo gushakana na nyina umubyara w’imyaka 44 bombi babatinganyi, ngo ni nyuma yo gusanga mu buzima bwe bwose nta wundi muntu waba waramubaye hafi nka nyina ndetse ngo no ku ngingo yo mu buriri asanga ntawe uruta mama we umubyara.

Uyu mukobwa w’imyaka 26 wo mu gihugu cya Afrika y’Epfo yashyingiranwe na nyina mu mujyi wa Capetown mu birori byabaye mu ibanga rikomeye kuko ibi bitemewe n’amategeko yo muri iki gihugu.

Abajijwe impamvu yahisemo gushyingiranwa na nyina, Lolita yasubije agira ati “Mama yambaye hafi kuva navuka, Nakuze nta data ngira, Nkunda mama cyane, niwe byose kuri njye. Sinshaka kumujya kure niyo mpamvu nahisemo kubana nawe. Aracyari muto kandi azi no kunshimisha mu buriri”.

Nyina w’uyu mukobwa, we yavuze ko yatunguwe cyane ubwo umukobwa we yamusabaga ko babana. Yagize ati “Umukobwa wanjye yari yiteguye kuva mu rugo akigendera igihe naba nanze gushyingiranwa nawe. Nkunda umukobwa wanjye cyane, ntacyo ntakora kugira ngo mushimishe. Ku byerekeranye no kubyara, ntiturabitekerezaho cyane buriya igihe nicyo kizabitubwira”.

Gushakana kw’abahuje ibitsina bisanzwe byemewe muri Afurika y’epfo gusa ibyo gushakana kw’abana n’ababyeyi, abavandimwe cyangwa abafitanye isano ya hafi birabujijwe hafi mu bihugu byose byo ku isi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
binel Kuya 18-10-2017

ibibera kur iy isi birantangaza kandi bikambabaza cyane. ibi ntabwo bikwiriye kubaho keretse abataye ubwenge badatekereza