Umuganga yirukanywe ku kazi azira kubaga ubwonko bw’umurwayi budafite kibazo

Ni umuganga wakoraga akazi ko kuvura mu bitaro bya Kenyatta National Hospital wirukanwe ku mirimo ye azira kubaga ubwonko bw’umurwayi budafite kibazo nyuma yo kwitiranya abarwayi.

Umuganga yirukanwe ku kazi nyuma yo kuzanirwa umurwayi ku kagari gatwara abarwayi barembye cyane ariko nyuma yo kumubaga agasanga nta kibazo afite mu bwonko.

Ubundi uyu muganga yagombaga kubaga umurwayi wari ufite ikibazo cy’amaraso yipfunditse mu bwonko ariko bamuzanira uwari ufite ikibazo cyo kubyimba gusa nawe ahita atangira kubaga atabanje kugenzura neza koko niba uwo agiye kubaga ariwe ufite ikibazo.

BBC dukesha iyi nkuru ivuga ko ibitaro bya Kenyatta National Hospital byahise bihagarika uyu muganga ibi bikimara kuba.

Nubwo ibitaro bivuga ibi ariko, abaganga bakoranaga n’uyu wibeshye bari mu myigaragmbyo aho basaba ko yagarurwa ku kazi kuko akazi ke ari ukubaga atari ukumenya imyirondoro y’ubagwa dore ko hari abari banditse imyirondoro ye mbere yo kwemeza kubagwa kwe.

Kugeza ubu abarwayi bombi bitaweho kuva ibi byaba ndetse n’ibitaro bikaba bitangaza ko bameze neza kandi ko n’uwagombaga kubagwa atakibazwe kuko yakize.

PNG - 243.5 kb
Umunyamabanga wa Kenyatta National Hospital CEO,Lily Koros yasabye imbabazi ku makosa yakozwe habagwa ubwonko bw’umurwayi budafite ikibazo

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo