Umudepite yasabye kwambikana impeta n’umugabo mugenzi we bari mu Nteko

Umudepite w’umugabo witwa Tim Wilson wo mu gihugu cya Australia yasabye umukunzi we w’umugabo ko bahabwa uburennganzira bwo kubana mu gihe bari mu Nteko y’Abadepite yo kwemeza gushaka hagati y’abahuje igitsina.

Tim Wilson yasabye ko yakwemererwa kubakana na Ryan Bolger nawe wari wicaye mu Nteko ariko mu mwanya w’abatari abakozi b’Inteko Inshinga Amategeko ya Australia. Aba bagabo babiri bamaze imyaka isaga icyenda yose bakundana.

Uyu mushinga w’itegeko ryo kwemeza ukubakana kw’abasangiye igitsina washyikirijwe Inteko Inshinga Amategeko ku munsi wa mbere nyuma yo guca mu basenateri mu cyumweru gishize.

Tim Wilson yagize ati " mu ijambo ryange rya mbere, ndemera icyo dupfana na Ryan Bolger ngendeye ku mpeta ziri ku maboko yacu y’ibumoso, izi mpeta ni igisubizo cy’ibibazo tudashobora gusubiza".

Yakomeje agira ati "Kubera ibyo, hari ikintu kimwe gusa gisigaye gukorwa aricyo kubaza Ryan Patrick Bolger niba yemera kumbera umugore".

Icyo kibazo cyatumye abantu bose bavuza impundu mu Nteko, nyuma yuko Bolger asubije mugenzi we avuga ko abyemeye. Mu ijambo rimwe Bolger yagize ati "yegooo"

Wilson yaherukaga kuvuga ku buzima bwe uburyo yakuze ari umwana ukundana n’abo basangiye igitsina ibintu byagiye bitumwa arebwa nabi n’abantu batandukanye kubera iyi mpamvu.

Wlson ni umwe mu bashingamateka 77 bagiye kwiga kuri uyu mushinga w’itegeko ryemerera abashakana bahuje igitsina.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo